ठळक मुद्देचुकीच्या दिशेने धावणा-या टेम्पोची दुचाकीला धडक कसबा बावडा रोडवरील घटना : दुचाकीस्वार गंभीर जखमी
कोल्हापूर : चुकीच्या दिशेने भरधाव वेगाने धावणा-या टेम्पोने ठोकरल्याने दुचाकीस्वार गंभीर जखमी झाला. स्नेहदीप दिलीप पाटील (वय २५, रा. शुक्रवार पेठ) असे जखमीचे नाव आहे. ही घटना कसबा बावडा रोडवर हॉटेल रेणुकासमोर घडली.पोलिसांनी दिलेली माहिती अशी की, स्नेहदीप पाटील हे आपल्या दुचाकीवरून शिये ते कसबा बावडा रोडने प्रवास करून घरी येत होते. याचवेळी शिये रोडवरून चुकीच्या दिशेने भरधाव वेगाने टेम्पो येत होता. कसबा बावडा रोडवर दोन्हीही वाहनांची समोरासमोर धडक लावून दुचाकीस्वार पाटील हा तरुण जखमी झाला.
दरम्यान, दोन्हीही वाहनांचे नुकसान झाले. याप्रकरणी शाहुपूरी पोलिसांनी धनाजी रंगराव जाधव (रा. भादोले, ता. हातकणंगले) यांच्यावर गुन्हा नोंदवण्यात आला आहे.