दहावीच्या ८३७ विद्यार्थ्यांची आजपासून पुरवणी परीक्षा

ऑफलाईन पद्धतीने होणाऱ्या परीक्षेसाठी ८३७ विद्यार्थ्यांनी नोंदणी केली आहे. कोरोनाच्या पार्श्वभूमीवर दक्षता म्हणून परीक्षेसाठी एका वर्गामध्ये दहा ते बारा परीक्षार्थींची बैठक व्यवस्था करण्यात आली आहे. सकाळच्या सत्रात साडेदहा वाजता आणि दुपारच्या सत्रामध्ये तीन वाजता परीक्षा होईल. सोशल डिस्टन्सिंग, मास्क आणि सॅनिटायझरचा वापर या कोरोनासंदर्भातील नियमांचे पालन करून परीक्षा घेण्यात येणार आहे. कोल्हापूर विभागातील सर्व परीक्षा केंद्रांना शिक्षण मंडळाने थर्मल गन, सॅनिटायझर, हँडवॉश, साबण पुरविले आहेत. ही परीक्षा दि. ११ ऑक्टोबरपर्यंत चालणार असल्याची माहिती शिक्षण मंडळाचे विभागीय सचिव देविदास कुलाळ यांनी मंगळवारी दिली. दरम्यान, शहरातील न्यू हायस्कूलमध्ये (एफ०००५७८ ते एफ०००६११) या परीक्षार्थींची बैठक करण्यात आली आहे. परीक्षार्थींनी परीक्षा केंद्रावर सकाळी दहा वाजण्यापूर्वी उपस्थित रहावे, असे आवाहन केंद्र संचालक के. ई. पवार यांनी केले आहे.

विद्यार्थ्यांसाठी हेल्पलाईन

दहावी आणि बारावीच्या पुरवणी परीक्षेच्या कालावधीत विद्यार्थ्यांना येणाऱ्या अडीअडचणी सोडविण्यासाठी २४ तास हेल्पलाईन सेवा कोल्हापूर विभागीय शिक्षण मंडळाने सुरू केली आहे. त्यामध्ये डी. बी. कुलाळ (७५८८६३६३०१), एस. एस. सावंत (८००७५९७०७१), पी. एच. धराडे (९८५००२०७९०), बी. डी. आंबी (९४२११०७२७७), एस. वाय. दुधगावकर (७०२०७०४१३१), ए. ए. पेंडूरकर (९५१८५०२४०९), ए. एस. बाणासुरे (९८६०९९१८७५), जे. के. बोते (९४२३७०३०९२), एन. डी. अहेरराव (९९२२८७८८९३) यांचा समावेश आहे.