गर्दीचा फायदा घेत एसटीमध्ये विद्यार्थिनींना धक्काबुक्की

निरक्षरतेवर मात करण्यासाठी देशाच्या कानाकोपऱ्यात शिक्षणाची गंगा पोहचावी, यासाठी शासन कोट्यवधी रूपये खर्चून सर्व शिक्षा अभियान चालवून शिक्षणाचा समान हक्क देत आहे.

लोकमत न्यूज नेटवर्क --कोल्हापूर : होमगार्ड सदस्य नोंदणीला सोमवारपासून सुरुवात झाली. ३६८ पुरुष व १८६ महिला अशा एकूण ५५४ होमगार्ड जागेसाठी एक हजार उमेदवारांनी नोंदणी केली. कसबा बावडा येथील पोलीस कवायत मैदानावर सकाळी सात ते दुपारी दोनपर्यंत सदस्य नोंदणी करण्यात आली.
होमगार्ड ही मानसेवी संघटना आहे. पोलीस कवायत मैदान येथे उमेदवारांची कागदपत्रे तपासणी व शारीरिक वैद्यकीय तपासणी करण्यात आली. जिल्ह्यातून शेकडो उमेदवारांनी भरती प्रक्रियेत सहभाग घेतला होता. आज, मंगळवारी पहाटे पाच वाजता कसबा बावडा ते शिये रोडवर महिला व पुरुष उमेदवारांची धावण्याची परीक्षा होणार आहे. होमगार्ड विभागाचे प्रमुख दिनेश बारी, होमगार्डचे प्रभारी अधिकारी ए. एम. देवेकर यांच्या मार्गदर्शनाखाली ही भरती प्रक्रिया सुरू आहे. सण, उत्सव, मोर्चा, आंदोलन, आपत्ती निवारण, निवडणूक प्रक्रिया यावेळी पोलिसांना मदत म्हणून होमगार्डची मदत घेतली जाते. सध्या जिल्ह्यात १९०० होमगार्ड आहेत. रिक्त पदे असणाऱ्या ५५४ जागांसाठी ही सदस्य नोंदणी करण्याची प्रक्रिया सुरू आहे. त्यासाठी आठ दिवस आॅनलाईन अर्ज मागविले होते. तालुकानिहाय पदे भरून घेतली जाणार आहेत. सोमवारी सकाळी सात ते दुपारी दोनपर्यंत पोलीस कवायत मैदानावर उमेदवारांच्या कागदपत्रांची तपासणी करण्यात आली. यावेळी उमेदवारांची वजन, उंची व इतर आरोग्य तपासणी करण्यात आली. जिल्ह्यातील बारा तालुक्यांतून उमेदवार सदस्य नोंदणीसाठी आले होते. पोलीस भरती, सैनिक व अग्निशामक विभागात भरती प्रक्रियेत होमगार्डना ५ टक्के आरक्षण आहे. त्यामुळे तरुण व तरुणींनी होमगार्ड सदस्य नोंदणीकरिता गर्दी केली होती. बंदोबस्तात सहभागी असलेल्या प्रत्येक होमगार्डला शासनाकडून ४०० रुपये प्रतिदिन मानधन दिले जाते. नियुक्तीनंतर तीन वर्षांत ४० टक्के बंदोबस्तात त्यांना सहभाग नोंदवावा लागतो, अन्यथा पद रद्द केले जाते.
या भरती प्रक्रियेत बेरोजगार तरुणांना प्रवेश दिला जात नाही. उमेदवार ज्या ठिकाणी नोकरी, व्यवसाय, शेती, घरगुती लघुद्योग करीत असेल तर त्याचे पत्र जोडावे लागत होते. शेतकरी तरुणांकडून सात-बारा मागणी केली जात होती. काही तरुणांनी आॅनलाईन सात-बारा जोडला होता. गतवेळी उमेदवारांनी सुशिक्षित बेरोजगार असा उल्लेख केल्यामुळे शेकडो उमेदवार भरती प्रक्रियेतून बाहेर पडले होते परिणामी यावेळी अगोदर उमेदवारांना अर्ज भरताना तशा सूचना केल्यामुळे त्याचा फायदा झाला.

धावण्याची
आज चाचणी पात्र उमेदवारांची आज, मंगळवारी पहाटे ५ ते सकाळी ११.३० पर्यंत कसबा बावडा ते शिये रोडवर पुरुषांसाठी १६०० व महिलांसाठी ८०० मीटर धावण्याची चाचणी घेतली जाणार आहे. त्यासाठी शहर वाहतूक नियंत्रण विभागाने या मार्गावरील वाहतूक वळविली आहे. होमगार्ड विभागाचे प्रमुख डॉ. दिनेश बारी व प्रभारी अधिकारी ए. एम. देवेकर यांच्या मार्गदर्शनाखाली नोंदणी होत आहे. राज्य राखीव दलाचे १५ जवान, २० पोलीस कर्मचारी ५ महिला पोलीस असा बंदोबस्त ठेवला आहे.