मराठा समाजाच्या मागण्यांबाबत राज्य सरकारने करून दाखवावे

कोल्हापुरात बुधवारी होणाऱ्या मूक आंदोलनाच्या तयारीची पाहणी केल्यानंतर त्यांनी पत्रकारांशी संवाद साधला. राष्ट्रपती नियुक्त मी खासदार आहे. भाजपचा सहयोगी सदस्य असल्याचे मी नाकारत नाही. राष्ट्रवादीचे ज्येष्ठ नेते शरद पवार, मुख्यमंत्री उद्धव ठाकरे, माजी मुख्यमंत्री देवेंद्र फडणवीस, अशा विविध पक्षांतील नेत्यांशी माझे चांगले जमते. त्यांच्याशी माझी जवळीक असून ते चुकीचे नाही. राज्यातील ३६ जिल्ह्यांमध्ये सकल मराठा समाजाच्यावतीने मूक आंदोलन केले जाणार आहे. अन्य पाच मागण्यांची पूर्तता तातडीने करणे राज्य सरकारच्या हातात आहे. आरक्षणाच्या लढ्यातील दुसरा टप्पा असलेला पुणे ते मुंबई लॉंगमार्च काढायला लागू नये याची दक्षता सरकारने घेऊन आमच्या मागण्यांची पूर्तता करावी. आरक्षणासह अन्य मागण्यांबाबत मराठा समाजाचे आंदोलन म्हणजे कोणताही अजेंडा नाही, तर चळवळ आहे. नक्षलवाद्यांबाबतच्या पत्रांच्या अनुषंगाने कोणत्या स्वरूपातील चौकशीसाठी मी तयार असल्याचे खासदार संभाजीराजे यांनी सांगितले.

चौकट

आचारसंहितेत आंदोलन होईल

कोल्हापुरात होणारे मूक आंदोलन हे आचारसंहितेत होईल. कोरोनाच्या नियमांचे पालन करण्यात येईल. या पद्धतीने राज्यातील अन्य जिल्ह्यांमध्ये मूक आंदोलन केले जाणार असल्याचे खासदार संभाजीराजे यांनी सांगितले.