शिरोली हायस्कूलमध्ये क्रीडा दिन साजरा

येथील शिरोली हायस्कूलमध्ये क्रीडा दिन विविध कार्यक्रमांनी उत्साहात साजरा करण्यात आला. यावेळी संस्थेचे अध्यक्ष सुरेशराव पाटील यांनी, कोरोनाकाळात विद्यार्थ्यांनी आहार व स्वत:च्या प्रकृतीकडे विशेष लक्ष द्यावे, असे आवाहन पालकांना व विद्यार्थ्यांना ऑनलाइनद्वारे केले.

शिरोली हायस्कूलमध्ये मेजर ध्यानचंद यांच्या फोटोचे पूजन शाळेचे मुख्याध्यापक डी. एम. चौगुले व शाळेचे सुपरवायझर बी. जी. माने यांनी केले.

तसेच जिमखाना विभागप्रमुख आर. एस. पाटील व

सर्व शिक्षक, शिक्षिका, शिक्षकेतर कर्मचारी उपस्थित

होते. विद्यार्थ्यांना ऑलिम्पिक स्पर्धेविषयी माहिती व्हावी

म्हणून ‘ऑनलाइन प्रश्नमंजुषा’ (विषय- टोकियो ऑलिम्पिक २०२१) घेण्यात आली. स्पर्धेसाठी लहान

गट- पाचवी ते सातवी, मोठा गट- आठवी ते दहावी

ठेवण्यात आले होते. सर्व विद्यार्थ्यांना सहभाग प्रमाणपत्र

देण्यात आली. या सर्व स्पर्धेचे आयोजन शाळेतील जिमखाना

विभागामार्फत करण्यात आले. यासाठी क्रीडाशिक्षक एन. वाय. पद्माई व सचिन कोळी यांनी विशेष प्रयत्न

केले. संस्थेचे चेअरमन सुरेशराव पाटील, संस्थेचे

सेक्रेटरी कृष्णात खबरे, संस्थेचे अध्यक्ष सलीम देसाई

यांचे मार्गदर्शन लाभले.