सिंगलसाठी

गडहिंग्लज : स्वातंत्र्यवीर विनायक सावरकर यांची जयंती साजरी करण्यात आली. शहरातील लोकमान्य बाळ गंगाधर टिळक उद्यानातील सावकरांच्या अर्धपुतळ्याला अभिषेक घालण्यात आला. या वेळी प्रीतम कापसे, संदीप मोर्ती, तुषार वाटवे, उदय कुरबेट्टी, मनोज पवार, योगेश शहा, सुनील नारापगोळ, शुभम कुलकर्णी, ओंकार देशपांडे, विकास रावळ उपस्थित होते.

----------------------

‘संत गजानन’मध्ये राष्ट्रीय कार्यशाळा

गडहिंग्लज : महागाव (ता. गडहिंग्लज) येथील संत गजानन महाराज अभियांत्रिकी महाविद्यालयात ‘राष्ट्रीय शैक्षणिक धोरण २०२१’ ही कार्यशाळा पार पडली. कार्यशाळेत ७७७ विद्यार्थ्यांनी भाग घेतला. प्र. प्राचार्य डॉ. ए. टी. पिसे, डॉ. के. के. जाधव, डॉ. पी. एम. जोशी, प्राचार्य एस. ए. पाटील, डॉ. ए. पी. मित्तल, प्राचार्य डॉ. एस. एच. सावंत यांनी मार्गदर्शन केले.

----------------------

गणेश मंदिराला नगारा अर्पण

गडहिंग्लज : शहरातील गणेश मंदिराला शहरातील आनंद बिलावर यांनी तयार केलेला नगारा अर्पण करण्यात आला. महेश घुगरी यांच्याकडे हा नगारा सुपूर्द करण्यात आला. यापूर्वी महालक्ष्मी, हाळलक्ष्मी व काळभैरी मंदिराला बिलावर यांनी नगारा अर्पण केला आहे. या वेळी संतोष चौगुले, गोविंदा बिलावर, वामन बिलावर, राजनंदिनी बिलावर, तेजस्विनी बिलावर आदी उपस्थित होते.

----------------------

शिवराज महाविद्यालयात ऑनलाइन व्याख्यान

गडहिंग्लज : शहरातील शिवराज महाविद्यालयात राष्ट्रीय सेवा योजना विभागातर्फे दत्तक गावांमध्ये आयुर्वेदिक आणि जागतिक महामारी या विषयावर ऑनलाइन व्याख्यान झाले. डॉ. तेजस्विनी कोतमिरे यांनी कोरोना काळात घ्यावयाची काळजी, शासकीय नियमांचे पालन तर कोरोना काळात घरात राहून कसे उपचार घ्यावेत याविषयी मार्गदर्शन केले.

या वेळी कडगाव, ऐनापूर, भडगाव, अत्याळ, वडरगे, करंबळी, चन्नेकुप्पी आदी गावचे सरपंच व पदाधिकाऱ्यांनी भाग घेतला.

----------------------

गडहिंग्लजमध्ये खिचडी वाटप

गडहिंग्लज : नेसरी व हिडदुगी येथील टायगर ग्रुपच्या साईप्रसाद रेडेकर यांच्या हस्ते येथील उपजिल्हा रुग्णालयात कोरोनाबाधितांच्या नातेवाईक व बंदोबस्तासाठी असणाऱ्या पोलिसांना खिचडी, केळी व मिनरचे पाणी वाटप करण्यात आले. शहरातील उपजिल्हा रुग्णालय, पोलीस ठाणे, रिक्षा स्टॉप, नेसरी पोलीस ठाणे, पेट्रोल पंप या ठिकाणीही मदत पोहोच करण्यात आली.

याकामी अक्षय रेडेकर, राजू नाईक, अक्षय पाटील, आकाश हेरेकर, विनायक पाटील, विनायक पाटील, अक्षय नावलगी, गणेश पाटील, विशाल सुतार, संदीप बामणे, ओमकार खोत आदींसह कार्यकर्त्यांनी परिश्रम घेतले.