कोल्हापूर : सांस्कृतिक कार्य संचालनालयातर्फे १५ नोव्हेंबर २०१९ मध्ये आयोजित ५९ व्या महाराष्ट्र राज्य हौशी मराठी नाट्य स्पर्धेच्या प्राथमिक फेरीतील विजेत्या संघांनी, कलाकार, तंत्रज्ञ यांनी बँकेचा तपशिल (कॅन्सल चेक अथवा पासबुक) natyamahotsav@gmail.com या मेल आयडीवर त्वरित पाठवावा, असे आवाहन करण्यात आले आहे.
राज्य नाट्य स्पर्धेतील पारितोषिकप्राप्त कलाकार व तंत्रज्ञ यांना विभागीय पारितोषिक वितरण समारंभात गौरवले जाते. मात्र कोरोनामुळे हा कार्यक्रम होणार नसल्याने विजेत्या संघांना व कलाकारांना एनईएफटीद्वारे पारितोषिक दिले जाणार आहे.
--
अवनितर्फे प्रमाणपत्र वितरण
कोल्हापूर : अवनि संस्थेतर्फे आयोजित लिंगभाव समानता कृती कार्यक्रम घेण्यात आला. या उपक्रमांतर्गत केर्ली येथे मुख्याध्यापिका मीना शिवूडकर यांच्याहस्ते प्रमाणपत्र वितरण करण्यात आले. यावेळी त्यांनी मुलांना मुलगा-मुलगी एकसमान याबाबात मार्गदर्शन केले.
कार्यक्रमास संस्थेच्या उपाध्यक्षा अनुराधा भोसले, विक्रांत जाधव, शाहरुख आटपाडे यांच्यासह मान्यवर उपस्थित होते.
--