इचलकरंजी शहर परिसरात शिवजयंती उत्साहात

इचलकरंजी : शहर परिसरात छत्रपती शिवाजी महाराज यांची जयंती मोठ्या उत्साहात साजरी करण्यात आली. अनेक ठिकाणी मांडव घालून शिवकालीन पोवाडे लावण्यात आले होते. तसेच जयंतीनिमित्त काही उपक्रमही राबविण्यात आले. कोविडच्या पार्श्वभूमीवर मिरवणुकीला फाटा देण्यात आला असला तरी, अनेक हौशी शिवप्रेमी मोटारसायकल व गाड्यांना भगवा ध्वज लावून फेरफटका मारत होते.

बसस्थानक चौकातील महाराजांच्या अश्वारूढ पुतळ्यास पहाटेपासून अनेकांनी पुष्पहार अर्पण करून अभिवादन केले. ‘जय भवानी-जय शिवाजी’ असा जयघोष करत डौलाने भगवे ध्वज फडकवत उत्साहाने शिवजयंती साजरी करण्यात आली. काही मंडळांनी रक्तदान शिबिर, गरजूंना साहित्य वाटप असे उपक्रम राबविले. मुख्य मार्गावरील एका मंडळाने महाराजांची मूर्ती मिरवणुकीने आणून प्रतिष्ठापना केली. त्यामुळे शहर शिवमय बनले होते.

महाराजांच्या अश्वारूढ पुतळ्यास माजी आमदार सुरेश हाळवणकर, नगराध्यक्षा अलका स्वामी, प्रांताधिकारी डॉ. विकास खरात, उपनगराध्यक्ष तानाजी पोवार, उदयसिंह पाटील, अजित जाधव आदींनी पुष्पहार अर्पण केला. यावेळी नगरसेवक व विभागप्रमुख उपस्थित होते.

ताराराणी पक्षाच्यावतीने आमदार प्रकाश आवाडे व जि. प. सदस्य राहुल आवाडे यांनी शिवपुतळ्यास पुष्पहार अर्पण केला. अध्यक्षस्थानी ताराराणी पक्षाचे विधानसभा अध्यक्ष प्रकाश दत्तवाडे होते. यावेळी अशोक सौंदत्तीकर, प्रकाश मोरे, विलास गाताडे, सुनील पाटील, दीपक सुर्वे, राजू बोंद्रे, सागर कम्मे, नरसिंह पारीक, जेवरबानू दुंडगे, नंदा साळुंखे, नजमा शेख, संगीता कांबळे आदींसह पदाधिकारी उपस्थित होते. इंगळी : येथे शिवजयंती सोहळा शिस्तबद्ध व साध्या पद्धतीने साजरा करण्यात आला. पन्हाळ्याहून आणलेल्या शिवज्योतीचे पूजन दिग्विजय खोत यांनी व शिवजन्मोत्सव सोहळा समितीचे बाबासाहेब पाटील यांच्याहस्ते करण्यात आले. यावेळी ग्रा.पं. सदस्य, विविध संस्थांचे पदाधिकारी उपस्थित होते.

कबनूर : येथे शिवजयंती विविध उपक्रमांनी साजरी करण्यात आली. ग्रामपंचायतीमध्ये झालेल्या कार्यक्रमात छत्रपती शिवाजी महाराज यांच्या प्रतिमेचे पूजन सरपंच शोभा पोवार यांनी केले. यावेळी उपसरपंच सुधीर पाटील, मधुकर मणेरे, सैफ मुजावर, सुधीर लिगाडे, रोहिणी स्वामी, सुलोचना कट्टी, आदींसह ग्रामस्थ उपस्थित होते.

फोटो ओळी १९०२२०२१-आयसीएच-०२

इचलकरंजीत मुख्य मार्गावरील एका मंडळाने महाराजांची मूर्ती मिरवणुकीने आणून प्रतिष्ठापना केली.

छाया-उत्तम पाटील

१९०२२०२१-आयसीएच-०३ इचलकरंजी नगरपालिकेच्यावतीने शहरात छत्रपती शिवाजी महाराजांच्या अश्वारूढ पुतळ्याला पुष्पहार अर्पण करून अभिवादन करण्यात आले. यावेळी नगराध्यक्षा अलका स्वामी, माजी आमदार सुरेश हाळवणकर, अजित जाधव, उदयसिंह पाटील, आदी उपस्थित होते.