वारणानगर परिसरात शिवजयंती उत्सव दिमाखात

वारणानगर : अमृतनगर (ता. पन्हाळा) येथे छत्रपती शिवाजी महाराज चॅरिटेबल ट्रस्ट संचलित फ्रेंडस्‌ पॉवर व वाघांची तालीम यांच्या वतीने यावर्षीही हिंदवी स्वराज्याचे संस्थापक छत्रपती शिवाजी महाराजांची जयंती दिमाखात साजरी करण्यात आली. यानिमित्त आयोजित महाप्रसादाचा ५ हजारांवर शिवभक्तांनी लाभ घेतला.

अमृतनगर मुख्य फाटा येथे फ्रेंडस्‌ पॉवरच्या वतीने शिवजयंतीची जय्यत तयारी करण्यात आली होती. सकाळी छत्रपती शिवरायांच्या पुतळ्याचे पूजन दलितमित्र जिल्हा परिषद सदस्य अशोकराव माने व फ्रेंडस्‌ पॉवरचे संस्थापक अध्यक्ष विश्वास ऊर्फ अप्पा माने यांच्या हस्ते करण्यात आले. कोरोनाच्या पार्श्वभूमीवर इतर सर्व कार्यक्रम रद्द करून छत्रपती शिवरायांच्या पुतळ्याची प्रतिष्ठापना करण्यात आली. वारणा दूध संघाचे संचालक प्रदीप देशमुख, पेठवडगावचे नगराध्यक्ष मोहनलाल माळी, भाजप नेते पी.डी. पाटील, माजी आमदार राजीव आवळे यांच्यासह विविध क्षेत्रांतील मान्यवरांनी शिवरायांच्या प्रतिमेचे दर्शन घेऊन अभिवादन केले.

यावेळी अध्यक्ष विश्वास ऊर्फ अप्पा माने, अक्षय मोरे, अर्जुन सिद, युसूफ मुल्ला, संजय पाटील, संभाजी मलगुंडे, प्रदीप पाटील, संभाजी पाटील, निवास पाटील यांच्यासह फ्रेंडस्‌ पाॅवरच्या सर्व पदाधिकाऱ्यांनी विशेष परिश्रम घेतले. यावेळी पन्हाळगडावरून शिवज्योती घेऊन कोल्हापूर, सांगली, सातारा, पुणे, जिल्ह्यात चाललेल्या कार्यकर्त्यांचे पदाधिकाऱ्यांनी जोरदार स्वागत केले.

..

फोटो ओळी १८ अमृतनगर शिवजयंती

वारणानगर- अमृतनगर येथे छात्रपती शिवाजी महाराज चॅरिटेबल संचालित फ्रेंडस्‌ पॉवरच्या वतीने शिवजयंतीनिमित्त छत्रपती शिवाजी महाराजांच्या पुतळ्याचे पूजन करताना जिल्हा परिषद सदस्य अशोकराव माने, नगराध्यक्ष मोहनलाल माळी,अध्यक्ष अप्पा माने व सर्व पदाधिकारी, कार्यकर्ते उपस्थित होते.