रूकडी कोविड कक्ष आदर्शवत ठरेल

रूकडी : कोविड कक्ष आदर्शवत ठरेल जिल्हाधिकारी देसाई

लोकमत न्यूज नेटवर्क

रूकडी माणगाव : कोरोनाच्या या लढाईत रूकडी ग्रामपंचायत यांनी उभा केलेले केविड कक्ष सर्व रुग्णांसाठी आधार व आदर्शवत ठरेल, असे प्रतिपादन जिल्हाधिकारी दौलत देसाई यांनी व्यक्त केले. ते रूकडी येथे शिवआरोग्य कोविड काळजी कक्ष शुभारंभप्रसंगी बोलत होते. अध्यक्षास्थानी माजी खासदार निवेदिता माने या होत्या.

अध्यक्षा माजी खासदार निवेदिता माने म्हणाल्या, शिवआरोग्य कोविड सेंटर गोरगरीब कोरोनाग्रस्तांसाठी मोठा आधार ठरेल.

रूकडी येथे कोरोना संसर्ग रुग्ण वाढत आहेत. या रुग्णांच्यावर उपचार व्हावेत यासाठी ग्रामपंचायत सदस्य शीतल खोत व शमुवेल लोखंडे यांनी विशेष प्रयत्न करून या कोविड कक्षाची निर्मिती केली. या कोविड कक्षाच्या शुभारंभप्रसंगी आम. राजूबाबा आवळे यांनी ‘ माझे गाव माझी जबाबदारी’ हे प्रत्यक्षात उतरवण्यासाठी प्रयत्न केल्यास गाव कोरोनामुक्त होईल.

समारंभास माजी आम. डॉक्टर सुजित मिणचेकर, जि. प. सदस्य अशोकराव माने, शिवसेना जिल्हाप्रमुख मुरलीधर जाधव, तहसीलदार प्रदीप उबाळे, गटविकास अधिकारी शबाना मोकाशी, वैद्यकीय अधिकारी राहुल देशमुख, उपनिरीक्षक उफराते साहेब, सरपंच रफिक कलावंत, उपसरपंच राजू कोळी, पोलीस पाटील कविता कांबळे, ग्रामविकास अधिकारी वाघ, तलाठी रवी कांबळे, संजय गांधी निराधार योजनेचे सदस्य झाकीर हुसेन भालदार, मा. जि. प. सदस्य बबलू माकांदार, सर्व आजी-माजी सरपंच, उपसरपंच, आजी-माजी ग्रामपंचायत सदस्य, गावातील सर्व प्रतिष्ठित नागरिक व तरुण मंडळाचे अध्यक्ष, संस्थेचे पदाधिकारी उपस्थित होते.

फोटो : रूकडी येथे केविड कक्षाची शुभारंभ करताना जिल्हाधिकारी दौलत देसाई, डावीकडून शीतल खोत, रफिक कलावंत, निवेदिता माने, सुजित मिणचेकर, आम. राजूबाबा आवळे.