कोविड सेंटर वडगाव परिसराला संजीवनी

लोकमत न्यूज नेटवर्क

पेठवडगाव : मिणचेकर फाऊंडेशन व युवा शक्ती, मिणचे यांनी सुरू केलेले कोरोना अलगीकरण सेंटर वडगाव परिसरासाठी रुग्णांसाठी संजीवनी ठरेल असा विश्वास आरोग्य राज्यमंत्री राजेंद्र पाटील यड्रावकर यांनी व्यक्त केला.

मिणचे (ता. हातकणंगले) येथील एस. एम. यादव हाॅल येथे सुरू करण्यात आलेल्या कोरोना केअर सेंटरचे उद्घाटन राज्यमंत्री पाटील- यड्रावकर यांच्या हस्ते करण्यात आले. याप्रसंगी आमदार विनय कोरे, माजी आमदार सुजित मिणचेकर, अर्थ व शिक्षण सभापती प्रवीण यादव, सभापती हंबीरराव पाटील, विजयसिंह माने आदी प्रमुख उपस्थित होते.

यावेळी संयोजक प्रवीण यादव म्हणाले,

वडगाव परिसरासह कुंभोज जिल्हा परिषद मतदार संघात कोरोनाचा प्रादुर्भाव वाढत आहे. त्यामुळे घरात कोरोनाचा संसर्ग होऊ नये. या दक्षतेपोटी अलगीकरण कोविड सेंटर सुरू केले आहे. येथे सर्व सुविधा, औषधोपचार, जेवण मोफत आहेत. माजी आमदार डॉ. सुजित मिणचेकर म्हणाले फाऊंडेशन, युवा शक्ती हा चांगला उपक्रम राबवित आहे. अत्यावश्यक असणाऱ्या रुग्णाला पुढील वैद्यकीय सेवा उपलब्ध होण्यासाठी प्रयत्नशील राहू.

यावेळी जिल्हा परिषदेचे आरोग्य अधिकारी योगेश साळे, तालुका ओरोग्य अधिकारी सुहास कोरे, संजय चौगुले, लाटवडेचे सरपंच संभाजी पवार, मिणचेच्या सरपंच रंजना जाधव, उपसरपंच अभिनंदन शिखरे, अनिल जाधव, नेज सरपंच दीपाली गोंधळी, कुंभोज सरपंच माधुरी घोदे, खोचीचे सरपंच जगदीश पाटील, बुवाचे वठारचे सरपंच शंकर शिंदे, भेंडवडे सरपंच काकासो माने आदी उपस्थित होते.

फोटो कॅप्शन : मिणचे (ता. हातकणंगले) येथे मिणचेकर फाऊंडेशन व युवा शक्ती, मिणचे यांच्या वतीने सुरू करण्यात आलेल्या कोविड, अलगीकरण सेंटरचे उद्घाटन आरोग्य राज्य मंत्री राजेंद्र पाटील यड्रावकर यांच्या हस्ते झाले. यावेळी माजी आमदार डॉ. सुजित मिणचेकर, प्रवीण यादव, संजय चौगुले, अभिनंदन शिखरे, संभाजी पवार, रणजीत संकपाळ, दीपक पाटील आदी उपस्थित होते. (छाया संजय नांगरे)

२३ वडगाव कोविड सेंटर