कोल्हापूर : कोल्हापूर महानगरपालिकेच्या सार्वत्रिक निवडणुकीसाठी उद्या, मंगळवारी होणाऱ्या आरक्षण सोडतीकडे शहरवासीयांचे लक्ष लागून राहिले आहे. सोडतीवेळी बहुतांशी आरक्षणे थेट दिली जाणार असली तरीही त्याबाबतची कमालाची उत्सुकता आहे.शासकीय विश्रामगृहातील राजर्षी शाहू सभागृहात ही आरक्षण सोडत जाहीर केली जाणार आहे. ही सोडत प्रक्रिया नागरिकांना प्रत्यक्ष उपस्थित राहून पाहता येईल. राज्य निवडणूक आयोगाच्या मार्गदर्शक सुचनानुसार या प्रक्रियेतील बरीच आरक्षणे ही थेट दिली जाणार आहेत. त्यामुळे दीड तासात ही प्रक्रिया पूर्ण होईल, अशी अपेक्षा आहे. आरक्षण जाहीर झाल्यानंतर सर्वच प्रभागातील लढतीचे चित्र स्पष्ट होईल.अनुसुचित जाती प्रवर्गातील आरक्षण असे असेलमहानगरपालिकेच्या ८१ सदस्य असणाऱ्या सभागृहात लोकसंख्येच्या निकषावर अनुसुचित जाती प्रवर्गासाठी ११ प्रभागांवर थेट आरक्षण असेल. या अकरा प्रभागामधील सहा जागा याच प्रवर्गातील महिलांसाठी असतील आणि त्या लॉटरी पध्दतीने निश्चित केल्या जातील.
क्रमांक / वॉर्ड क्रमांक / अ. जा. संख्या१. वॉर्ड क्र. ४ / ९३७६२. वॉर्ड क्र. १८ / ६८७७३. वॉर्ड क्र. १७ / ५८८६४. वॉर्ड क्र. १३ / ५२४६५. वॉर्ड क्र. १५ / ४८७३६. वॉर्ड क्र. १ / ४८३७७. वॉर्ड क्र. ११ / ४१०३८. वॉर्ड क्र. १९ / ४०१९९. वॉर्ड क्र.२ / २८९५१०. वॉर्ड क्र.६ / २८३७११. वॉर्ड क्र. २० / ३४९७
इतर मागास प्रवर्गाचे आरक्षण असे असेलइतर मागास प्रवर्गातून २१ सदस्य निवडून द्यायचे आहेत. त्यामुळे याही जागांचे आरक्षण थेट दिले जाणार आहे. महापालिकेसाठी एकूण २० प्रभाग आहेत. त्यामुळे प्रत्येक प्रभागात एक जागा थेट इतर मागास प्रवर्गातील सदस्यासाठी आरक्षीत केली जाईल. एक सदस्याची जी जागा राहिल ती प्रभाग क्रमांक २० मध्ये आरक्षीत ठेवली जाणार आहे. पाच सदस्य असणाऱ्या प्रभागात जास्तीत जास्त दोन इतर मागास प्रवर्गाचे सदस्य असावेत असा राज्य निवडणूक आयोगाची नियम आहे. २१ जागांवर थेट आरक्षण दिल्यानंतर त्यातून महिलांसाठी ११ जागा या लॉटरी पध्दतीने आरक्षित केल्या जाणार आहेत.
सर्वसाधारण प्रवर्गासाठी ४९ जागामहापालिका सभागृहातील ४९ जागा या सर्वसाधारण प्रवर्गासाठी खुल्या राहणार आहेत. ज्या ज्या प्रभागात अनुसुचित जाती पुरुष व महिला तसेच इतर मागास प्रवर्गातील पुरुष व महिला हे आरक्षण सोडून प्रत्येक प्रभागात दाेन जागा या सर्वसाधारण प्रवर्गासाठी असतीत. त्याशिवाय नऊ प्रभागांत तीन जागा सर्वसाधारण प्रवर्गासाठी असतील. सर्वसाधारण प्रवर्गासाठीच्या ४९ जागापैकी २५ जागा याच प्रवर्गातील महिलांसाठी लॉटरी पध्दतीने आरक्षण दिले जाईल.
Web Summary : Kolhapur is gearing up for municipal elections. Tomorrow's reservation draw will determine seat allocation for Scheduled Castes, Other Backward Classes, and the general category. The process will be streamlined, with many reservations assigned directly. This draw will clarify the electoral landscape.
Web Summary : कोल्हापुर नगर निगम चुनाव की तैयारी में है। कल आरक्षण से अनुसूचित जाति, अन्य पिछड़ा वर्ग और सामान्य वर्ग के लिए सीटों का आवंटन निर्धारित होगा। प्रक्रिया सुव्यवस्थित होगी, कई आरक्षण सीधे सौंपे जाएंगे। इससे चुनावी परिदृश्य स्पष्ट होगा।