आजऱ्यात विनाकारण फिरणाऱ्यांची रॅपिड अँटिजन तपासणी

बुधवारपासून सकाळी ७ ते ११ यावेळेत दुकाने उघडी ठेवण्यात येणार आहेत. त्यानंतर सर्व व्यवहार बंद राहणार आहेत. प्रशासनाने संभाजी चौकात विनाकारण फिरणाऱ्यांवर कडक कारवाईला सुरुवात केली. मास्क नसेल तर पाचशे रुपये दंड व विनाकारण फिरणाऱ्यांची कोरोनाची रॅपिड अँटिजन टेस्ट करण्यास सुरुवात केली. त्यासाठी स्वतंत्र अ‍ॅम्ब्युलन्स व स्टाफ नियुक्त केला आहे.

पॉझिटिव्ह आढळल्यास त्याच्यावर आजरा कोविड सेंटरमध्ये उपचार सुरू केले आहेत. नागरिकांनी सकाळी ७ ते ११ यावेळेत किराणा व भाजीपाला खरेदी करावा, अन्यथा घरी थांबावे. विनाकारण बाजारातून फिरणाऱ्यांची रॅपिड अँटिजन टेस्ट केली जात आहे.

तहसीलदार विकास अहिर, सहायक पोलीस निरीक्षक बालाजी भांगे, मुख्याधिकारी अजिंक्य पाटील हे दिवसभर संभाजी चौक, सुभाष चौक, आजरा बँक चौकात तळ ठोकून होते.

-------------------------

फोटो ओळी : आजत्यातील संभाजी चौकात विनाकारण फिरणाऱ्यांची अ‍ॅम्ब्युलन्समध्ये रॅपिड अँटिजन टेस्ट करताना आरोग्य कर्मचारी.

----------------------

क्रमांक : २१०४२०२१-गड-०२