आंबेवाडी ग्रामपंचायतीचा शिपाई लाचप्रकरणी अटक

कोल्हापूर : महापुरामध्ये हॉटेल परमीट रुमच्या झालेल्या नुकसानीचा पंचनाम्याकरिता व्यवसाय चालू असल्याबाबतचा ग्रामपंचायतीचा ना हरकत दाखला देण्यासाठी तीन हजाराच्या लाचेची मागणी केल्याचे पडताळणीत निष्पन्न झाले, त्यामुळे आंबेवाडी ग्रामपंचायतीचा शिपाई शिवाजी दत्तात्रय चौगले (वय ४३ रा. शिवनगर, आंबेवाडी, ता. करवीर) याला लाचलुचपत प्रतिबंधक विभागाने मंगळवारी सकाळी अटक केली.

लाचलुचपत प्रतिबंधक विभागाने दिलेली माहिती अशी की, तक्रारदाराने आंबेवाडी ग्रामपंचायत हद्दीत हॉटेल व परमीट रुम चालवण्यास घेतले आहे. नुकत्याच झालेेल्या महापुरामध्ये या हॉटेलमध्ये महापुराचे पाणी शिरल्याने व्यवसाय पूर्णपणे बंद राहिला. महापुरातील नुकसानीचे पंचनामे सुरु असल्याने तक्रारदारास व्यवसाय चालू असल्याबाबतचा ग्रामपंचायतीचा ना हरकत दाखला आवश्यक होता. हा दाखला देण्यासाठी ग्रामपंचायत शिपाई शिवाजी चौगले याने तक्रारदाराकडे तीन हजार रुपये लाचेची मागणी केली. याबाबत लाचलुचपत प्रतिबंधक विभागाकडे तक्रार देण्यात आली. त्यानुसार पथकाने संबंधित प्रकरणाची दि. २४ ऑगस्ट रोजी पडताळणी केली. त्यामध्ये लाचेची मागणी केल्याचे दिसून आले. पथकाने ग्रामपंचायतमध्ये सापळा रचला पण कारवाईची शंका आल्याने शिपाई चौगले याने तक्रारदाराकडून लाच स्वीकारली नाही. पण यापूर्वीच्या पडताळणीत त्याने लाचेची मागणी केल्याचे सिद्ध झाल्याने मंगळवारी सकाळी शिपाई शिवाजी चौगले याला लाचलुचपत प्रतिबंधक विभागाने अटक केली.

फोटो नं. २१०९२०२१-कोल-शिवाजी चौगले (आरोपी-एसीबी)

210921\21kol_2_21092021_5.jpg

फोटो नं. २१०९२०२१-कोल-शिवाजी चौगले (आरोपी-एसीबी)