वाहनावरील थकीत दंड आता पॉईंटवरील पोलिसांकडे भरा

कोल्हापूर : वाहतूक नियमांचे उल्लंघन केल्याप्रकरणी थकीत दंडाच्या वसुलीला प्रारंभ झाला आहे. यासंदर्भात संबंधित वाहनधारकांना दंडाबाबत न्यायालयाकडून मेसेज पाठवले आहेत. हा थकीत दंड शहर वाहतूक शाखासह रस्त्यावर पॉईंटवरील पोलीस अगर अधिकारी यांच्याकडे रोखीने अथवा डेबिट व क्रेडिट कार्डद्वारेही भरण्याची सुविधा केली आहे. त्यामुळे वाहनधारकांनी तातडीने थकीत दंडाची रक्कम वाहनधारकांनी भरावी आणि कारवाई नामुष्की टाळावी, असे आवाहन शहर वाहतूक नियंत्रण शाखेच्या पोलीस निरीक्षक स्नेहा गिरी यांनी केले आहे.

थकीत ई चलान तडजोड रक्कम भरण्याची सुविधा...

- शहर वाहतूक नियंत्रण शाखेत अगर पॉईंटवरील अंमलदार, अधिकारी यांच्याकडे रोखीने भरता येईल.

- डेबिट, क्रेडिट कार्डद्वारे

- पेटीएम ॲपमध्ये ‘ई चलान’ पर्यायावर जाऊन

- महा ट्रॅफिक ॲप मोबाइलमध्ये इन्स्टॉल करून त्याद्वारे दंड भरण्याची सुविधा उपलब्ध.