सात वर्षांच्या सुप्रजाचे हजार फुटांवरून पॅरासेलिंग

कऱ्हाड : वीस मिनिटांचा थरार; धाडसाबद्दल सर्व स्तरातून कौतुक

कऱ्हाड : ‘पॅरासेलिंग हा क्रीडा प्रकार खूप धाडसी आहे. नुसत्या कल्पनेनेच अनेकांच्या छातीत धडकी भरते; पण कऱ्हाडच्या बचपन स्कूलच्या सात वर्षांच्या सुप्रजा राहुल खडके या विद्यार्थिनीने एक हजार फूट उंचीवरून ‘पॅरासेलिंग’ करून वीस मिनिटांचा थरार अनुभवला. तिच्या या धाडसाबद्दल विविध स्थरांतून कौतुक होत आहे.कऱ्हाडमध्ये मर्चंट नेव्ही अधिकारी प्रशिक्षणाबाबत राहुल खडके यांची आर. के. मरिन करिअर अ‍ॅकॅडमी कार्यरत आहे. ते नेहमीच आपल्या कामानिमित्त गोवा, चेन्नई येथे नेव्हल शिप यार्ड, डॉकच्या भेटीसाठी जात असतात. त्यामुळे अनेकदा त्यांच्या परिवारातील सर्व सदस्य त्यांच्याबरोबर प्रवासात राहतात. साहजीकच सुप्रजालाही लहानपणापासूनच हे बाळकडू मिळू लागले आहे.गोव्यातील कोळवा बिचवर असाच एकदा खडके परिवार लाईफ बोटीतून समुद्रात निघाला असताना समुद्राच्या मध्यभागी पॅरासेलिंग केले जात असताना सुप्रजाने पॅरासेलिंगसाठी आग्रह धरला. तेव्हा वॉटर स्पोर्टस् मॅनेजमेंटने याला परवानगी देत तिला लाईफजॅकेट व सेप्टी बेल्ट घालण्यात आला. आणि एक हजार फुटावरून
तिने पॅरोसेलिंगचा अनुभव
घेतला.
सुमारे वीस मिनिटे ती आकाशामध्ये पक्ष्यांप्रमाणे विहार करत होती. तिच्या या धाडसाबद्दल अनेकांनी तिला बक्षीस देत तिचे कौतुक केले. (प्रतिनिधी)


सुप्रजा खडकेचा सत्कार...
४सुप्रजा खडकेने एक हजार फुटांवरून केलेले पॅरासेलिंग निश्चितच कौतुकास्पद आहे. तिच्या या साहसाची दखल भाजपनेही घेतली. कऱ्हाड येथे पार पडलेल्या एका कार्यक्रमात पक्षाच्या महिला आघाडीच्या राज्यसरचिटणीस उमा खापरे यांच्या हस्ते सुप्रजाचा सत्कार करण्यात आला. यावेळी भाजपचे जिल्हाध्यक्ष अ‍ॅड. भरत पाटील उपस्थित होते.
गोवा येथे मरिन वॉटर स्पोर्टस् अ‍ॅडव्हॅचर क्लबच्या मार्गदर्शनाखाली सुप्रजाने एक हजार फूट उंचीवरून पॅरासेलिंग करून मलाही सुखद धक्का दिला आहे. मी मर्चंट नेव्ही व शिपिंग मॅनेजमेंटमध्ये काम करत
आहे. माझी मुलगीही मोठी होऊन माझा वारसा चालवेल, असा मला
विश्वास वाटतो.
- राहुल खडके, पालक


धाडसी प्रकार...
पॅरासेलिंग हा एकदम धाडसी असा प्रकार आहे. पॅरासेलिंगचे नाव उच्चारले तरी अनेकांना धडकी भरते. त्यामुळे अनेकजण पॅरासेलिंग करण्याचे टाळतात. असे असतानाही सुप्रजा खडके हिने सुमारे एक हजार फुटांवरुन पॅरासेलिंग करुन धाडस दाखविले आहे. तिच्या या धाडसाचे कौतुक होत आहे.