Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

सांगली : अयोध्येतील श्री राम मंदिरासाठी सांगली जिल्ह्यात निधी संकलनास प्रारंभ झाला. १ ते ३१ जानेवारीअखेर मोहिम राबविण्यात येत असून त्याला प्रचंड प्रतिसाद मिळत असल्याची माहिती विश्व हिंदू परिषदेचे महामंत्री दादा वेदक यांनी दिली.मंदिरासाठी श्रीराम जन्मभूमी तीर्थक्षेत्र न्यासतर्फे निधी संकलन महाअभियान सुरु झाले आहे. पश्चिम महाराष्ट्रातील पुण्यासह सातारा, सांगली, कोल्हापूर जिल्ह्यांत जानेवारी महिन्यात निधी संकलन सुरु आहे. पहिल्या पंधरवड्यात मोठा निधी संकलनाअंतर्गत मोठ्या दात्यांशी संपर्क साधण्यात येत आहे.याअंतर्गत दोन हजारांपासून पुढे निधी संकलीत केला जाईल. व्यापारी, उद्योजक, व्यावसायिक आदींनी अत्यंत चांगला प्रतिसाद दिल्याचे वेदक म्हणाले. या निधीसाठी देणगीदारांना आयकरात सूट मिळाली आहे. दुसर्या पंधरवड्यात जिल्ह्यातील ७३५ गावांत विश्व हिंदू परिषद, राष्ट्रीय स्वयंसेवक संघ व रामभक्त असे तीन हजार कार्यकर्ते घरोघरी पोहोचतील.१० रुपये, १०० रुपये व १००० रुपयांच्या कुपनांद्वारे निधी संकलन होईल. या धनसंग्रहाच्या माध्यमातून घरोघरी संपर्कही साध्य केला जाणार आहे. देशभरात ४ लाख गावांतील ११ कोटी कुटुंबांपर्यंत कार्यकर्ते पोहोचणार आहेत. सांगली जिल्ह्यात दोन हजार महिला दुर्गा व साडेतीन हजार कार्यकर्ते निधी संकलन मोहिमेत सहभागी होतील.वेदक म्हणाले की, राम मंदिर व बाबरी मस्जिद हा संघर्ष हिंदू-मुस्लिम संघर्ष, नव्हता, तर तो राष्ट्रीय व आराष्ट्रीय असा होता. सर्वोच्च न्यायालयाने ६७ एकर जागा राम मंदिर न्यासाला देऊन त्यावर निर्णायक व सर्वमान्य तोडगा काढला. पुढील एक हजार वर्षे टिकेल असे तीन मजली मंदिर तेथे उभा राहत आहे. त्यामध्ये प्रत्येकाने आपला आर्थिक सहभाग द्यावा.पत्रकार बैठकीला जिल्हा संघचालक विलास चौथाई, सांगली, सातार्याचे विभागीय कार्यवाह प्रा. सुनील कुलकर्णी, जिल्हा कार्यवाह नितीन देशमाने, निधी समितीचे जिल्हा प्रमुख सुहास जोशी, सहप्रमुख संजीव तचव्हाण, योगेश शिरगुरकर, मोठा निधी प्रमुख शैलेंद्र तेलंग, विनायक राजाध्यक्ष आदी उपस्थित होते.मुंबईच्या उद्योजकाकडून ६० कोटींचे कळसमुबंईतील बैठकीत एका उद्योजकाने श्रीराम मंदिरासाठी पाच सोन्याचे कळस देण्याचे जाहीर केले. त्यांची किंमत साठ कोटी रुपये होते.रामभक्त मुस्लिमांचाही निधी स्वीकारणारवेदक म्हणाले की, श्रीराम मंदिर उभारणीसाठी रामभक्त मुस्लिमही पुढे आले तर त्यांच्याकडूनही निधी स्वीकारला जाईल. शिवाय सर्व रामभक्तांकडून रोख पैशांसोबतच सोने-चांदीही स्वीकारले जाईल.

Kolhapur (Marathi News)

कोल्हापूर : रेड वेलवेट केक, फाऊंडन्ट केक, डॉल केक, वेडिंग डबल लेअर केक, बास्केट फ्रूट केक...! अहाहा ही नावं ... ...