Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

लोकमत न्यूज नेटवर्ककोल्हापूर : जिल्ह्यासाठी पीक कर्जाचे वार्षिक उद्दिष्ट २ हजार ४८० असताना फेब्रुवारीअखेर २ हजार ५८४ कोटी इतके वाटप होऊन १०४ टक्के उद्दिष्ट्यपूर्ती झाली आहे. पीक कर्ज वाटपात जिल्हा राज्यात प्रथम आल्याबद्दल जिल्हाधिकारी दौलत देसाई यांनी मंगळवारी बँकांचे अभिनंदन केले. तसेच पंतप्रधान स्वनिधी योजना तसेच विविध महामंडळांचे प्रलंबित प्रस्ताव तत्काळ मार्गी लावावेत, बँकांनी आपला सीडी रेशो वाढवावा, अशी सूचनाही त्यांनी केली.जिल्हास्तरीय सल्लागार समिती व जिल्हास्तरीय आढावा समितीच्या बैठकीत ते बोलत होते. यावेळी मुख्य कार्यकारी अधिकारी संजयसिंह चव्हाण, विभागीय व्यवस्थापक शिवकुमार, आरसेटीच्या जिल्हा समन्वयक सोनाली माने उपस्थित होते. रिझर्व्ह बँकेचे सहाय्यक महाप्रबंधक मनोज मून, नाबार्डचे जिल्हा व्यवस्थापक नंदू नाईक, जिल्ह्यातील सर्व बँकांचे जिल्हा समन्वयक व महामंडळाचे व्यवस्थापक व्हीसीद्वारे सहभागी झाले होते.जिल्हाधिकारी देसाई म्हणाले, महामंडळांकडील तसेच पंतप्रधान स्वनिधी योजनांबाबतचे प्रस्ताव ज्या बँकांकडे प्रलंबित आहेत अशा बँक प्रतिनिधींसोबत महामंडळाच्या व्यवस्थापकांची अग्रणी जिल्हा व्यवस्थापकांनी बैठक घ्यावी. बँकांनी प्रलंबित प्रकरणे लवकरात-लवकर आणि जास्तीत-जास्त निकालात काढावीत त्यासाठी शिबिरे घ्यावीत. इचलकरंजी, जयसिंगपूर या मोठ्या शहरांवर लक्ष केंद्रीत करावे. पीक कर्जाप्रमाणेच बँकांनी महामंडळांबाबत संवेदनशील राहून जास्तीत-जास्त प्रस्ताव मार्गी लावावेत. अग्रणी जिल्हा व्यवस्थापक राहुल माने यांनी विविध योजना आणि महामंडळनिहाय आढावा घेतला.--जनधन योजनेंतर्गत उघडलेली खाती : ११ लाख ४१ हजार ३७८रुपे कार्ड दिलेली खाती : ९ लाख ९९ हजार ३५६प्रधानमंत्री जीवनसुरक्षा विमा योजनेंतर्गत उघडलेली खाती : ४ लाख ९५ हजार ७४१प्रधानमंत्री जीवनज्योती विमा योजनेंतर्गत उघडलेली खाती : १ लाख ८८ हजार ८६९अटल विमा योजनेंतर्गत उघडलेली खाती : ६० हजार ८४७----प्रधानमंत्री मुद्रा योजनेंतर्गत डिसेंबरअखेर ७८ हजार ८४९ लाभार्थ्यांना केलेले अर्थसहाय्य : ५२८. ४१ कोटीप्राथमिकता प्राप्त सेवा क्षेत्राकरिता ९ हजार ३२० कोटींचा आराखडा तयार, डिसेंबरपर्यंत ६ हजार ३५१ कोटी (६८ टक्के) इतकी उद्दिष्ट्यपूर्तीठेवी : ३० हजार ६४२ कोटीकर्जाची शिल्लक : २४ हजार २०१ कोटी--फोटो नं ०९०३२०२१-कोल-कलेक्टर बँक बैठकओळ : कोल्हापुरातील जिल्हाधिकारी कार्यालयात जिल्हाधिकारी दौलत देसाई यांच्या अध्यक्षतेखाली मंगळवारी जिल्हास्तरीय आढावा समितीची बैठक झाली. यावेळी जिल्हा परिषदेचे मुख्य कार्यकारी अधिकारी संजयसिंह चव्हाण यांच्यासह अधिकारी उपस्थित होते.----

Kolhapur (Marathi News)