Kolhapur News | Latest Kolhapur News in Marathi | Kolhapur Local News Updates | ताज्यबातम्या कोल्हापूर | कोल्हापूर समाचार | Kolhapur Newspaper

गेल्या महिनाभरापासून कोल्हापुरातील श्री छत्रपती शाहू महाराज टर्मिनस येथून तिरुपती एक्स्प्रेस, कोयना, महाराष्ट्र, महालक्ष्मी आणि दीक्षाभूमी (धनबाद) एक्स्प्रेस धावत आहेत. मात्र, प्रवासी संख्या कमी झाली असल्याने मध्य रेल्वेने कोल्हापूर-मुंबई मार्गावर धावणारी महालक्ष्मी एक्स्प्रेस दि. १० मेपर्यंत रद्द करण्यात आली आहे. मुंबईहून मंगळवारी सकाळी ही रेल्वे येणार. मात्र, कोल्हापूरहून ती मुंबईला जाणार नाही. उर्वरित मार्गांवरील रेल्वे सुरू राहणार असल्याचे स्थानक प्रबंधक ए. आय. फर्नांडीस यांनी सोमवारी सांगितले. कोरोनाचा कोल्हापूरच्या विमानसेवेला देखील फटका बसला आहे. प्रवासी संख्या ५० टक्क्यांवर आली आहे. कोल्हापूर-अहमदाबाद विमानसेवा शुक्रवारपर्यंत स्थगित करण्यात आली आहे. अहमदाबाद विमानतळावर काम सुरू असल्याने सेवा स्थगित करण्यात आली असल्याचे ही सेवा पुरविणाऱ्या कंपनीने कळविले आहे. अन्य मार्गांवरील विमानसेवा सुरू असल्याची माहिती विमानतळ संचालक कमलकुमार कटारिया यांनी सांगितले.चौकट...तरच तिरुपती विमानाचे टेकऑफकोल्हापुरातून तिरुपती, बंगळुरू, मुंबई, हैदराबाद या शहरांसाठी विमानसेवा सुरू आहे. मात्र, प्रवासी कमी आहेत. पुरेसे प्रवासी असतील, तरच कोल्हापूर-तिरुपती विमानाचे टेकऑफ ही सेवा पुरविणाऱ्या कंपनीकडून करण्यात येत आहे.

Kolhapur (Marathi News)

उचत ( ता . शाहूवाडी ) येथे रविवारी मध्यरात्री झालेल्या अवकाळी पाऊस वादळी वाऱ्याने ... ...