Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

कोल्हापूर : ती बीएस्सीच्या पहिल्या वर्षात शिकते. कोरोनामुळे सध्या ऑनलाईन अध्यापन सुरू आहे. घरी बसून अभ्यास करीत असतानाच सामाजिक आवड तिला स्वस्थ बसू देईना. यातूनच तिने थेट शववाहिकेचे स्टेअरिंग हातात घेतले. कोरोना बाधित मृतदेह उचलून सरण रचण्यापासून पंचगंगा स्मशानभूमीत अंत्यसंस्कार करण्यापर्यंतची कामे ती मोठ्या धाडसाने करते. प्रिया प्रकाश पाटील असे त्या युवतीचे नाव आहे. कोरोना संसर्गजन्य आजार असल्याने रक्ताची नाती अंत्यसंस्कारापासून लांब राहत असली तरी प्रियासारखे सामाजिक कार्यकर्ते माणुसकीची नाती घट्ट करण्याचे काम करीत आहेत.प्रिया येथील जाधववाडीची. ती विवेकानंद कॉलेजमध्ये बी.एस्सीच्या पहिल्या वर्गात शिकते. तिला सामाजिक कामाची आवड आहे. या आवडीतून ती कोरोना महामारीत गरजूंच्या मदतीला धावून जाण्याचा निर्धार केला.कोरोनाच्या दुसऱ्या लाटेत गरजूंना मदतीसाठी ती सक्रिय झाली. भवानी फाउंडेशन आणि बालाजी कलेक्शनच्या प्रशांत पोफळे यांनी शिवसेनेचे कार्यकर्ते हर्षल सुर्वे, चैतन्य अष्टेकर, राकेश सावंत यांना दिलेल्या शववाहिकेवर ती कार्यरत आहे. सीपीआरसह शहरातील विविध हॉस्पिटलमध्ये कोरोनाने मयत झालेले शव वाहिकेतून आणून पंचगंगा स्मशानभूमीत अंत्यसंस्कार करण्यासाठी मदत करते. या कामात तिने झोकून दिले आहे. पुरुषांच्या बरोबरीने ती शववाहिकेवर चालक म्हणून कार्यरत असते. पीपीई किट परिधान करून कोरोनाबाधित शव उचलून वाहिकेत घेते. वाहिकेतून पंचगंगा स्मशानभूमीत घेऊन जात महापालिका कर्मचाऱ्यांच्या मदतीने अंत्यसंस्कार करते. अजूनही स्मशानभूमीत जात महिला, युवती अंत्यसंस्काराचे काम करण्याचे धाडस करीत नाहीत. पण प्रिया स्मशानभूमीत जात कोरोनाबाधीत शवावर अंत्यसंस्कार करते. तिच्या या धाडसाचे कौतुक होत आहे. आपल्याकडे अजूनही महिला स्मशानभूमीत जाण्यास घाबरत असताना ही तरुणी मात्र धाडसाने हे काम करत आहे.कोटकॉलेजचे शिक्षण घेत असतानाच सामाजिक कामाच्या आवडीतून कोरोनाबाधित शव वाहतूक करणाऱ्या वाहिकेवर काम करण्याचा निर्णय घेतला. चारचाकी वाहन चालवता येत असल्याने शववाहिकेवर चालक म्हणूनही काम करते. पंचगंगा स्मशानभूमीत आतापर्यंत ५० ते ५५ शवांवर अंत्यसंस्कार केले आहेत.प्रिया पाटील, युवतीफोटो : १४०६२०२१- कोल- प्रिया पाटीलकोल्हापुरातील प्रिया पाटील ही युवती कोरोनाबाधित शव वाहिकेतून घेऊन जात पंचगंगा स्मशानभूमीत अंत्यसंस्कार करण्यास मदत करते.

Kolhapur (Marathi News)

प्रदीप माळी हा कोतोली गावचा रहिवासी असून तो गावात शेती करीत होता . दीड महिन्यापूर्वी प्रदीप याला ताप आला ... ...