Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

कोल्हापूर : प्रधानमंत्री आवास योजनेतून पाच वर्षांत ७ हजार ५०३ घरे मंजूर झाली. यातील ४ हजार ८ घरे पूर्ण झाली. पण निधी असूनही लाभार्थी पातळीवर विविध अडचणी आल्याने २५२४ कुटुंबांचे पक्क्या घराचे स्वप्न लटकलेलेच राहिले. इंधनाचे दर गगनाला भिडल्याने लाभार्थींना सरकारकडून मिळणारे अनुदान अपुरे पडत आहे. यामुळे त्यांना वेळेत घर पूर्ण करता येत नसल्याचे चित्र आहे.आवास योजनेतून घर मंजूर झालेल्या लाभार्थीस केंद्र, राज्य सरकारकडून १ लाख २० हजारांचे अनुदान मिळते. हे अनुदान चार टप्प्यात लाभार्थीच्या खात्यावर जमा होते. घराचे काम जसे पूर्ण होईल, त्याप्रमाणे अनुदान दिले जाते. घराचे काम अर्ध्यावरच थांबले असेल तर अनुदानाचे पूर्ण हप्ते मिळत नाहीत.१) मंजूर झालेले घरकूल२०१८ - १४४०२०१९ - ५३४२०२० - २५३६२) २०२१ - २९९३एकूण प्रस्ताव मंजूर - ७ हजार ५०३तीन टप्प्यात अनुदान मिळालेल्या लाभार्थींची संख्या : ४ हजार ९९९घर अपूर्ण असल्याने अनुदान थकलेल्या लाभार्थींची संख्या : २,५२४किती लोकांना मिळाला पहिला हप्ता - ७,३५२किती लोकांना मिळाला दुसरा हप्ता - ५,६७३३) प्रत्येक लाभार्थीस मिळणारे एकूण अनुदान : १ लाख २० हजारराज्य शासनाकडून - ४८,०००केंद्र शासनाकडून - ७२,०००४) मोफत वाळू मिळेना, साहित्यही महागले !प्रधानमंत्री आवास योजनेसाठी मोफत वाळू दिली जाते. पण ती सहजपणे मिळत नाही. शिवाय बांधकाम साहित्यही महागल्याने अनुदानाच्या पैशांमध्ये घर पूर्ण होत नाही. यामुळे वेळेत घर पूर्ण करण्यात अडचणी येत आहेत.५) दोन लाभार्थींची प्रतिक्रियाबांधकामाच्या सर्वच साहित्याचे दर भडकल्याने घर पूर्ण करताना पैशाची प्रचंड ओढाताण झाली. पैशाची उसनवार करून घर पूर्ण केले. केंद्र, राज्य सरकारकडून मिळणारे अनुदान अपुरे आहे. अनुदानात भरीव वाढ करावी.रंगराव बिरजे, लाभार्थीलाभार्थीला पहिल्यांदा स्वत:कडील पैसे घालून बांधकामाचे काम करावे लागते. त्याची पाहणी करून आणि फोटो ऑनलाइन वेबसाइटवर लोड केल्यानंतर अनुदानाचे हप्ते मिळतात. अनुदान देण्याची प्रक्रियाही किचकट आहे. यामुळे वेळेत घर पूर्ण करणे सर्व लाभार्थींना शक्य होत नाही.अभिजीत पाटील, लाभार्थी६) अधिकाऱ्याचा कोटप्रधानमंत्री आवास योजनेतून घर मंजूर झाल्यानंतर लाभार्थीला टप्प्याटप्प्याने अनुदान मिळते. शासनाच्या नियमानुसार अनुदानाची सर्व रक्कम मिळण्यासाठी घर पूर्ण होणे बंधनकारक आहे. घर पूर्ण झालेल्या सर्व लाभार्थींना अनुदान मिळाले आहे. अनुदानाची कमतरता नाही.डॉ. रवी शिवदास, प्रकल्प संचालक, ग्रामीण विकास यंत्रणा

Kolhapur (Marathi News)

कोल्हापूर : प्रधानमंत्री आवास योजनेतून पाच वर्षांत ७ हजार ५०३ घरे मंजूर झाली. यातील ४ हजार ८ घरे पूर्ण ... ...