Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

कोल्हापूर : एकीकडे कोरोनाची रुग्णसंख्या कमी येत नसताना आता दुसरीकडे ‘झिका’ व्हायरसचा धोका निर्माण झाला आहे. केरळमध्ये १३ झिकाचे दूषित रुग्ण आढळून आल्यामुळे आरोग्य विभागाने याबाबत आणखी दक्षता घेण्याच्या सूचना केल्या आहेत; मात्र या आजारामुळे रुग्णालयात भरती होण्याची गरज नाही किंवा यामुळे मृत्युचेही प्रमाण नगण्य असल्याचे स्पष्ट करण्यात आले आहे. डासाच्या माध्यमातून हा आजार होत असल्याने स्वच्छता ठेवण्याची गरज आहे.अजूनही कोल्हापूर जिल्ह्यातील कोरोनाची तिसरी लाट ओसरलेली नाही. प्रशासन आपल्या परीने यासाठी प्रयत्नशील आहे; परंतु एकीकडे सर्व व्यवहार सुरू करण्यासाठीचा दबाव आणि रुग्ण आणि मृत्युसंख्या यामध्ये जिल्हा गुरफटून गेला आहे. गेल्या दोन दिवसात रुग्णांची संख्या कमी झाल्याने दिलासा मिळाला आहे; मात्र झिकाबाबत आरोग्य विभागाने दक्षता घेण्यासाठी सूचना दिल्या आहेत.चौकटलक्षणेया आजाराची लक्षणे डेंग्यूसारखीच असतात.१ ताप येणे२ अंगावर रॅश उठणे३ डोळे येणे४ सांधे व स्नायुदुखी, थकवा येणे५ डोकेदुखीही सर्व लक्षणे सौम्य स्वरूपाची असून ती २ ते ७ दिवस राहतात.चौकटकशामुळे होतोझिका हा डासामार्फत पसरणारा एक विषाणूजन्य आजार आहे. तो १९४७ साली युगांडामधील काही माकडांमध्ये आढळला होता. १९५२ मध्ये युगांडा आणि टांझानियामध्ये तो पहिल्यांदा माणसामध्ये आढळला. एडिस डासामार्फत तो पसरतो.चौकटउपाययोजनायावर विशिष्ट औषध अथवा लस उपलब्ध नाही; परंतु लक्षणानुसार उपचार करणे आवश्यक आहे.१ रुग्णाला पुरेशी विश्रांती द्यावी२पुरेशा प्रमाणात पातळ पदार्थांचे सेवन करावे३ तापाकरिता पॅरासिटामॉल औषध वापरावेकोटझिका आजार हा डासामुळे पसरतो. याच डासामुळे डेंग्यू आणि चिकुनगुनिया या आजाराचाही प्रसार होतो. हा डास महाराष्ट्रत विपुल प्रमाणात आढळतो. त्यामुळे एडिस डास प्रतिबंधात्मक उपाययोजना प्रभावीपणे राबवण्याच्या सूचना देण्यात आल्या आहेत. यासाठी आवश्यक ती फवारणी गावागावात करावी, अशा सूचना देण्यात आल्या आहेत.डॉ. योगेश साळेजिल्हा आरोग्य अधिकारी, जिल्हा परिषद कोल्हापूर

Kolhapur (Marathi News)

कोल्हापूर: जिल्हा परिषदेच्या वर्ग ३ मधील कर्मचाऱ्यांच्या उद्या आणि परवा म्हणजेच गुरुवार आणि ... ...