Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

कोल्हापूर : पावसाचा जोर ओसरल्याने गुरुवारी बंद झालेला राधानगरीचा सहाव्या क्रमांकाचा स्वयंचलित दरवाजा पाऊस वाढल्याने शनिवारी दुपारी सव्वातीन वाजता पुन्हा उघडला. धरणातून २८२८ क्युसेक विसर्ग भोगावती पात्रात सुरू झाल्याने पंचगंगेच्या पाणीपातळीत आणखी वाढ होणार आहे. दरम्यान शनिवारी सकाळपासून पावसाची उघडझाप सुरू राहिली. दुपारनंतर मात्र चांगलाच जोर धरला. त्यामुळे खुले होत असलेले बंधारे पुन्हा पाण्याखाली गेले. आता पाण्याखालील बंधाऱ्यांची संख्या ३४ वर गेली आहे.दरम्यान पाणलोट क्षेत्रातही चांगलाच पाऊस कोसळत आहे. पाटगाव जलाशयात १०५ मिलिमीटर इतकी अतिवृष्टी झाली आहे. इतर सर्वच जलाशयात साधारपणे ३० ते ७२ मिलिमीटर पावसाची नोंद झाली आहे. धरणक्षेत्रातील पाऊस आणि उर्वरित जिल्ह्यात अधून मधून कोसळणाऱ्या जोरदार सरीमुळे नद्यांच्या पाणीपातळीत वाढ होऊ लागली आहे. शुक्रवारपर्यंत केवळ ३३ बंधारेच पाण्याखाली राहिले होते, शुक्रवारी खुला झालेला दूधगंगा नदीवरील सुळंबी बंधारा पुन्हा पाण्याखाली गेला.दूधगंगा धरण ८४ टक्के भरले असले तरी त्यातून ६२०० क्युसेक प्रतिसेकंद विसर्ग दूधगंगा नदीपात्रात सुरू असल्याने नदीची पाणीपातळी पुन्हा वाढू लागली आहे. नदीवरील पाण्याखाली जाणाऱ्या बंधाऱ्यांची संख्या पाचवर पोहोचली आहे. वारणेतूनही १४ हजार क्युसेक विसर्ग सुरू असल्याने नदीवरील ९ बंधारे पूर्णपणे पाण्याखाली आहे. दरम्यान पंचगंगा नदीला आलेला महापूर ओसरू लागला होता. शुक्रवारी ३७ फुटांपर्यंत पाणीपातळी कमी आली होती. शनिवारी दुपारपर्यंत त्यात आणखी फुटाने घट होऊन ती ३६ फुटांवर आली होती. नदी हळूहळू पात्राच्या आत सरकत असताना पावसाचा जोर वाढल्याने राधानगरी धरणातून विसर्ग १४०० क्युसेकने वाढल्याने पाणी पुन्हा चढू लागले आहे.पाण्याखालील बंधारेपंचगंगा : शिंगणापूर, राजाराम, सुर्वे, रुई, इचलकरंजी, तेरवाड, शिरोळभोगावती : हळदी, राशिवडे, सरकारी कोगे, खडक कोगेतुळशी : आरे, बीडवारणा : चिंचोली, माणगाव, कोडोली, शिगाव, तांदूळवाडी, चावरे, खोची, दानोळी, मांगले सावर्डेकासारी : यवलूज, पुनाळ, तिरपण, ठाणे आळवेवेदगंगा : कुरणी, बस्तवडे, सुरुपली, चिखलीदूधगंगा : दत्तवाड, बाचणी, सुळकूड, सिद्धनेर्ली, सुळंबीधरणातील विसर्ग (क्युसेकमध्ये)राधानगरी २८००तुळशी १५२१वारणा १४३६९दूधगंगा ६२००कासारी १२५०कडवी ८६५कुंभी १०००पाटगाव २५०चिकोत्रा ५६०चित्री ५२१जंगमहट्टी १९९घटप्रभा ४११५जांबरेे २७३आंबेओहोळ ९७कोदे १००चौकटनदीकाठच्या पिकांचा चिखलनद्या अजूनही पात्राबाहेरूनच वाहत असल्याने नदीकाठची उसासारखी पिके पाण्याखालीच आहेत. पूर आल्याला आठ दिवस होऊन गेले तरी पाणी वेगाने ओसरत नसल्याने नदीकाठच्या पिकांचा अक्षरश: चिखल झाला आहे. थोडीशी उघडीप मिळाली तर पाण्याखाली असलेल्या ऊस पिकाला काही प्रमाणात जीवदान मिळू शकते; पण पुन्हा पावसाने हजेरी लावल्याने नदीकाठच्या शेतकऱ्यांच्या आशेवर पाणी फेरले आहे.चौकटपंचनाम्यातही अडसरपाऊस थांबल्याने कृषी विभागाने पीक नुकसानीचे पंचनामे सुरू केले होते; पण पावसाने हजेरी कायम ठेवल्याने या कामात अडथळे येत आहेत. आधीच शिवारे बऱ्यापैकी पाण्याने तुंबलेली असल्यामुळे शेतात जाणेच अवघड आहे, जरा ऊन पडल्याने जाता येईल तसा शेतात पाय ठेवला जात आहे.

Kolhapur (Marathi News)

आजचे रुग्ण : ५६२ जिल्ह्यातील मृत्यू : १५ इतर जिल्ह्यातील मृत्यू ०३ आजचे डिस्चार्ज : १०४६ उपचार घेत असलेले ... ...