Kolhapur News | Latest Kolhapur News in Marathi | Kolhapur Local News Updates | ताज्यबातम्या कोल्हापूर | कोल्हापूर समाचार | Kolhapur Newspaper

कोल्हापूर : परदेशात नोकरी किंवा शिक्षणासाठी जाणाऱ्यांना तेथे स्वत:ची मोटार कार चालवायची असेल तर त्याकरिता वाहन परवाना असणे सक्तीचे आहे. तेथील वाहतुकीचे नियमही कडक आहेत. असे मुदतबाह्य परवाने नूतनीकरण आता प्रादेशिक परिवहन कार्यालयातही होत असल्याने नागरिकांची चांगली सोय झाली आहे. कोल्हापूर आरटीओ कार्यालयात प्रत्येक वर्षी असे परवाने नूतनीकरण करणाऱ्यांची संख्या मोठी आहे; मात्र कोरोनाच्या दोन लाटेमुळे परवाना नूतनीकरणात संख्या घटली असून, गेल्या पावणे दोन वर्षात ११६ जणांनी परवाने नूतनीकरण केले आहेत.प्रादेशिक परिवहन विभागाने परदेशात वाहने चालविण्याचे परवाने काढण्यासाठी स्वतंत्र कर्मचाऱ्यांची नियुक्ती केली आहे. स्थानिक परवान्यासाठी ज्याप्रमाणे ऑनलाइन अर्ज करावा लागतो. त्याप्रमाणे या परदेशात वाहन चालविण्याच्या परवान्यासाठी अर्ज करावा लागतो. ऑनलाइन अर्ज केल्यानंतर नागरिकांना प्रादेशिक परिवहन कार्यालयातर्फे तारीख दिली जाते. त्या तारखेला आरटीओ कार्यालयात जाऊन नागरिकांना मूळ पासपोर्ट, व्हीसा आणि वाहन परवाना दाखविणे गरजेचे आहे. मूळ वाहन परवान्यावरील पत्ता व पासपोर्टचा पत्ता हा एकच असणे गरजेचे आहे. कार्यालयाकडून कागदपत्रांची पडताळणी केली जाते. नूतनीकरणासाठी एक हजार रुपये शुल्क भरावे लागते.कोरोना काळात संख्या घटली२०१८- ३५५२०१९- २०७२०२०- ७९२०२१ - ३७कोण काढतो हा परवानाजे भारतीय परदेशात नोकरी व्यवसाय, शिक्षणानिमित्त राहत असलेल्या नागरिकांना स्वत:च्या मोटारकारने तेथे फिरावयाचे आहे, अशा नागरिकांना हा आंतरराष्ट्रीय परवाना काढता येतो. याकरिता व्हीसा, पासपोर्ट, अपाॅर्ईंटमेंट लेटर, स्थानिक वाहन चालविण्याचा परवाना सादर केल्यास हा आंतरराष्ट्रीय परवाना एक वर्षाच्या मुदतीकरिता जारी होतो. हा परवाना प्रादेशिक परिवहन अधिकाऱ्यांच्या सहीने मिळू शकतो.असा काढा आंतरराष्ट्रीय वाहन परवानाव्हिसा, पासपोर्ट, आधारकार्ड, स्थानिक वाहन चालविण्याचा परवाना व एक हजार रुपये शुल्क भरल्यानंतर हा परवाना कुठल्याही भारतीय नागरिकाला मिळू शकतो.ज्या उमेदवाराकडे परदेशातील व्हिसा, पासपोर्ट, स्थानिक वाहन चालविण्याचा परवाना असणे गरजेचे आहे. एक वर्षाच्या मुदतीकरिता असा परवाना मिळू शकतो. हा परवाना उपप्रादेशिक परिवहन कार्यालयातून उपप्रादेशिक अथवा प्रादेशिक परिवहन अधिकारी यांच्या सहीने मिळतो. त्याकरिता ऑनलाइन अर्ज करणे व कागदपत्रे सादर करणे आवश्यक आहे.कोटकोरोनाच्या सलग दोन लाटांमुळे कोल्हापुरातून परदेशात नोकरी, शिक्षणाकरिता जाणाऱ्यांची संख्या रोडावली आहे. त्यामुळे गेल्या पावणेदोन वर्षात केवळ ११६ जणांनी आंतरराष्ट्रीय वाहन चालविण्याचा परवाना जारी करण्यात आला आहे. हा एक वर्षासाठी पात्र राहणार आहे. व्हीसाची मुदत वाढल्यास या परवान्याची मुदतही भारतीय दूतावासातून वाढवून अथवा नूतनीकरण करता येेते.- रोहित काटकर, सहायक प्रादेशिक परिवहन अधिकारी, कोल्हापूर.

Kolhapur (Marathi News)

लोकमत न्यूज नेटवर्क कोल्हापूर : सहकार आणि शेती मोडून धनिकांच्या घशात घालण्याचा सरकारचा डाव आहे. कामगार, शेती, ... ...