Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

कोल्हापूर : शारदीय नवरात्रौत्सवाच्या पहिल्या दिवशी म्हणजेच घटस्थापनेपासून येथील करवीरनिवासिनी अंबाबाईचे मंदिर भक्तांसाठी खुले होत असले तरी भक्तांना देवीसाठी ओटी, साडी तसेच प्रसाद अर्पण करण्यावर निर्बंध आहेत. त्यामुळे भाविकांना केवळ दर्शनच घ्यावे लागणार आहे. तसेच टेंबलाई येथे होणारी ललितपंचमी यात्राही होणार नाही.राज्यातील सर्व मंदिरे खुली करण्याचा राज्य सरकारने निर्णय घेतल्यानंतर मंदिरात जाण्याची लाखो भाविकांना आस लागली आहे. मंदिरे खुली होणार असली तरी तिसऱ्या संभाव्य लाटेची खबरदारी म्हणून मंदिर प्रशासनास काही उपाययोजना कराव्या लागणार आहेत. त्या दृष्टीने पूर्वतयारी मंदिर प्रशासनाकडून सुरू झाली आहे.अंबाबाई मंदिरात शारदीय नवरात्रौत्सवात भाविकांची मोठी गर्दी होते; त्यामुळे दर्शनरांगेसह भाविकांनी कोणती खबरदारी घ्यावी, याचे नियोजन देवस्थान व्यवस्थापन समितीकडून करण्यात आले आहे. पूर्व दरवाजातून भाविकांना दर्शनासाठी सोडण्यात आल्यानंतर त्यांना इतरत्र कुठेही न फिरता दर्शन झाल्यानंतर थेट दक्षिण दरवाजातून बाहेर पाठविले जाणार आहे. तसेच भाविकांना कोरोनाचा संसर्ग होऊ नये म्हणून सॅनिटायझर, थर्मल स्क्रीनिंगची व्यवस्था केली जात आहे. केवळ दर्शनाचा लाभ घेता येणार असल्याने भाविकांनी ओटी, साड्या तसेच प्रसादाचे साहित्य देवीला अर्पण करण्यावर निर्बंध घालण्यात आले आहेत.मंदिर सकाळी सहा ते सायंकाळी सहा या वेळेत सुरू ठेवण्याचा तसेच रात्री नऊ वाजताचा पालखी सोहळा मर्यादित पुजारी, मानकरी, देवस्थानचे पदाधिकारी यांच्या उपस्थितीत होईल. यावेळी कोणाही भाविकांना मंदिराच्या आवारात प्रवेश दिला जाणार नाही. जास्तीत जास्त भाविकांना घरबसल्या दर्शन घेण्याची सोयदेखील केली जात आहे.ललितपंचमी यात्रा मोजक्या भाविकांतनवरात्रोत्सवाच्या पाचव्या दिवशी ग्रामदेवता टेंबलाईदेवीच्या मंदिरात भरणारी ललितपंचमी यात्रा भाविकांसाठी रद्द करण्यात आल्याचे सांगण्यात आले. या दिवशी येथे मोजक्या मानकऱ्यांच्या उपस्थितीत देवीची पूजाअर्चा तसेच धार्मिक विधी होणार आहेत. या ठिकाणी कोहाळे फोडण्याचा विधी ठरावीक मानकऱ्यांच्या उपस्थितीत होईल. यात्रेदिवशी अंबाबाई देवी उत्सवमूर्ती पालखीतून लवाजम्यासह टेंबलाईला भेटीसाठी नेण्यात येते; पण कोरोना संसर्गाचा धोका असल्याने पालखी वाहनातून नेण्यात येणार आहे.सांस्कृतिक कार्यक्रम रद्दनवरात्रौत्सवात दहा दिवस अंबाबाई मंदिरात सकाळी आठ वाजल्यापासून ते रात्री दहा वाजेपर्यंत विविध प्रकारचे सांस्कृतिक कार्यक्रम आयोजित केले जातात; पण सलग दुसऱ्या वर्षी कार्यक्रम रद्द करण्यात आले आहेत.(फोटो देत आहे.)

Kolhapur (Marathi News)

लोकमत न्यूज नेटवर्क कोल्हापूर : साहेब, सलग काम करूनही रजाच दिली जात नाही, पगारात ही कपात कशासाठी केली?, पोलीस ... ...