तरच सहकार चळवळ सक्षम बनेल : विजय ककडे

जयसिंगपूर : सहकार चळवळ सर्वांसाठी आहे. सभासदांनी नवीन तंत्रज्ञानाचा स्वीकार केला पाहिजे, भविष्यकालीन तरतूद केली पाहिजे. सभासद सजग झाले तरच सहकार चळवळ अधिक सदृढ व सक्षम होईल, असे प्रतिपादन शिवाजी विद्यापीठाचे माजी अर्थशास्त्र विभागप्रमुख डॉ. विजय ककडे यांनी केले.

राष्ट्रीय सहकारी संघ, दिल्ली व रवळनाथ हाऊसिंग फायनान्स यांच्या संयुक्त विद्यमाने जयसिंगपूर येथे एकदिवसीय सभासद प्रशिक्षण कार्यशाळा पार पडली. या कार्यशाळेच्या अध्यक्षस्थानी संस्थेचे अध्यक्ष एम. एल. चौगुले होते. यावेळी हिराबाई मुसाई यांचा सत्कार करण्यात आला.

स्वागत प्राचार्य डॉ. के. एस. पाटील यांनी केले तर प्रास्ताविक एम. एल. चौगुले यांनी केले. अ‍ॅड. एस. एस. गडगे, प्रा. संभाजी जाधव यांनी सभासदांना मार्गदर्शन केले. यावेळी डॉ. आर. एस. निळपणकर, मीना रिंगणे, महावीर चौगुले, अनिल घोलप, प्रा. राजेंद्र कोरे, श्रीकांत चौगुले, वंदना खोलकुंबे, डॉ. सुनंदा शेळके, सीमा दळवी, डॉ. नंदकुमार कदम, सुजाता आवटी, सुनील उत्तुरे उपस्थित होते. किरण पाटील यांनी सूत्रसंचालन केले तर प्रा. माणिक घुमाई यांनी आभार मानले.

फोटो - ०८०२२०२१-जेएवाय-०१

फोटो ओळ - जयसिंगपूर येथे सभासद कार्यशाळा पार पडली. यावेळी डॉ. विजय ककडे, अ‍ॅड. एस. एस. गडगे, प्रा. संभाजी जाधव, एम. एल. चौगुले, प्राचार्य डॉ. के. एस. पाटील उपस्थित होते.