शिरोळ : तालुक्यातील ३३ ग्रामपंचायतींच्या निवडणुकीसाठी उमेदवारी अर्ज दाखल करण्याची मुदत बुधवारी संपल्यानंतर अर्ज छाननीकडे इच्छुकांचे लक्ष लागून राहिले आहे. तालुक्यातील सर्वात मोठी ग्रामपंचायत नांदणी असून सर्वात लहान ग्रामपंचायत जुने दानवाड आहे.
उमेदवारी अर्ज दाखल करण्याचा पहिला टप्पा पूर्ण झाला आहे. ग्रामपंचायतीच्या कागदपत्रांसाठी इच्छुक उमेदवारांची मोठी दमछाक झाली. ऑफलाईन पध्दतीने अर्ज भरण्यास मुदत मिळाल्याने अखेरच्या दिवशी उमेदवारी अर्जांचा पाऊस पडला. सर्वात मोठी ग्रामपंचायत असणाऱ्या नांदणी गावचे मतदान १२०५८ तर सर्वात लहान ग्रामपंचायत असणाऱ्या जुने दानवाडचे मतदान १४६० इतके आहे. मोठ्या गावांमध्ये काट्याची टक्कर होणार असल्याचे चित्र आहे.
चौकट -
गावनिहाय एकूण मतदान
आलास ४९५५, अर्जुनवाड ४६१०, बस्तवाड १७५३, बुबनाळ २५७०, चिपरी ६१६८, दानोळी ११०९१, जुने दानवाड १४६०, दत्तवाड ७१७४, धरणगुत्ती ५५०४, गणेशवाडी ४६५८, गौरवाड २३१९, घालवाड २०८४, घोसरवाड ७८७३, हसूर २०८८, जैनापूर २०१६, जांभळी ३८७६, कवठेगुलंद २८४७, कोंडीग्रे २०९३, कोथळी ६३८९, कुटवाड १७६६, मजरेवाडी २१५७, नांदणी १२०५८, निमशिरगांव ३६७७, नृसिंहवाडी ३६८९, शेडशाळ ४२०८, शिरदवाड ४७३८, शिरटी ४२२४, शिरढोण ६७५०, टाकळीवाडी २५६९, तमदलगे १६०५, तेरवाड ३४३७, उदगांव ९९३८, यड्राव ६७३१, बुबनाळ २५७०.
.............
उमेदवारांना द्यावी लागणार खर्चाची माहिती
उमेदवारी अर्ज भरल्यापासून उमेदवारांना दररोजच्या खर्चाचा तपशील खर्च तपासणी करणाऱ्या पथकास सादर करावा लागणार आहे. यासाठी बँकेत स्वतंत्र खाते उघडण्याच्या सूचना देण्यात आल्या आहेत. निकालापासून तीस दिवसांच्या आत खर्चाच्या तपशीलाबाबत अंतिम शपथपत्र सादर करावे लागणार आहे. मुदतीत खर्च दाखल न करणारे सदस्य अपात्र होऊ शकतात, अशी तरतूद निवडणूक आयोगाने केली आहे.