Mucormycosis In Kolhapur :  सीपीआरमधील म्युकरचे दोन्ही वॉर्ड फुल्ल

Mucormycosis In Kolhapur : कोल्हापूर येथील सीपीआरमधील म्युकरमायकोसिसचे दोन्ही वॉर्ड फुल्ल झाले असून आता आणखी रुग्ण वाढू लागले, तर नवा प्रश्न निर्माण होणार आहेत. दरम्यान, शासनाने जिल्ह्यातील चार, तर बेळगावमधील एका रुग्णालयामध्ये महात्मा फुले योजनेतून मोफत उपचार करण्यासाठी परवानगी दिली आहे.

ठळक मुद्देसीपीआरमधील म्युकरचे दोन्ही वॉर्ड फुल्ल नव्या रुग्णांची होणार अडचण, पाच रुग्णालयांतही सोय

 कोल्हापूर: येथील सीपीआरमधील म्युकरमायकोसिसचे दोन्ही वॉर्ड फुल्ल झाले असून आता आणखी रुग्ण वाढू लागले, तर नवा प्रश्न निर्माण होणार आहेत. दरम्यान, शासनाने जिल्ह्यातील चार, तर बेळगावमधील एका रुग्णालयामध्ये महात्मा फुले योजनेतून मोफत उपचार करण्यासाठी परवानगी दिली आहे.जिल्ह्यात आतापर्यंत म्युकरचे ७० रुग्ण आढळले असून यातील ५ जणांचा मृत्यू झाला आहे, तर १० जणांना डिस्चार्ज देण्यात आला आहे. त्यामुळे सध्या ५५ जणांवर उपचार सुरू आहेत. यातील ३६ जण सीपीआरमध्ये उपचार घेत असून उर्वरित खासगी रुग्णालयात दाखल करण्यात आले आहेत.आतापर्यंत सीपीआरमधील १० रुग्णांवर शस्त्रक्रिया करण्यात आली असून उर्वरित रुग्णांवर शस्त्रक्रिया करण्याचे नियोजन सुरू आहे. सीपीआरवरील ताण लक्षात घेता शासनाने कोल्हापूर शहरातील चार, तर बेळगाव येथील केएलई रुग्णालयात महात्मा फुले योजनेतून उपचारासाठी परवानगी देण्यात आली आहे. कोल्हापुरातील अपल, डी.वाय. पाटील, डायमंड, सिध्दगिरी येथे उपचारास परवानगी देण्यात अली आहे.