राम मगदूमगडहिंग्लज : गडहिंग्लज नगरपालिकेसाठी राष्ट्रवादी विरुद्ध जनता दल, जनुसराज्य, भाजप, शिंदेसेना यांची महायुती असा चुरशीचा सामना होत आहे. किंबहुना, राष्ट्रवादी विरुद्ध जनता दल अशीच पारंपरिक लढाई आहे. राष्ट्रवादीचे नेतृत्व मंत्री हसन मुश्रीफ यांच्याकडे, तर महायुतीचे नेतृत्व आमदार डॉ. विनय कोरे यांच्याकडे आहे. म्हणूनच, दोघांच्या ‘दोस्ती’ची कसोटी आणि ‘प्रतिष्ठा’ पणाला लागली आहे.मंत्री मुश्रीफांनी यावेळीही राष्ट्रवादीचे स्वतंत्र पॅनल मैदानात उतरवले असून, जनता दलाच्या नेत्या प्रा. स्वाती कोरी यांनी सत्तेतील पक्षांसोबत महायुती करून मुश्रीफांना आव्हान दिले आहे. परंतु, महायुतीचे नेतृत्व अप्रत्यक्षरीत्या आमदार डॉ. कोरे हेच करीत आहेत.राष्ट्रवादीतर्फे माजी नगराध्यक्ष बसवराज खणगावे, माजी उपनगराध्यक्ष किरण कदम, नरेंद्र भद्रापूर या दिग्गजांसह गुंड्या पाटील, अमर मांगले, महेश सलवादे, संतोष चिक्कोडे, रश्मीराज देसाई, राहुल शिरकोळे ही ‘यंग टीम’ ताकदीने उतरली आहे. माजी उपनगराध्यक्षा रूपाली परीट व त्यांचे पती उदय परीट हे एकमेव दाम्पत्य मैदानात आहे. ‘मनसे’चे नागेश चौगुलेही राष्ट्रवादीसोबत आहेत.जनता दलाच्या माजी नगराध्यक्ष प्रा. स्वाती कोरी, राजेश बोरगावे, उपनगराध्यक्ष रमेश रिंगणे, नितीन देसाई, सुनिता पाटील हे पुन्हा रिंगणात उतरले आहेत. जनसुराज्य व भाजपाने नव्या चेहऱ्यांना संधी दिली आहे.‘राष्ट्रवादी’च्या प्रचारासाठी मंत्री मुश्रीफांनी गडहिंग्लजमध्ये तळच ठोकला आहे. मात्र, कोरे हे वारणेतूनच येथील प्रचाराची सूत्रे हाताळत असून, अंतिम टप्प्यात येथील मैदानात थेट उतरण्याची शक्यता आहे. महायुतीसाठी मंत्री चंद्रकांत पाटील, खासदार धनंजय महाडिक, ‘जनसुराज्य’चे प्रदेशाध्यक्ष समीत कदम यांनी गडहिंग्लजचा दौरा केला आहे.राष्ट्रवादीचे बंडखोर उमेदवार विनोद बिलावर आणि वंचित बहुजन आघाडीचे प्रकाश कांबळे यांनी नगराध्यक्षपदाच्या प्रमुख उमेदवारांना आव्हान दिले आहे. उद्धवसेनेच्या माजी नगरसेविका श्रद्धा शिंत्रे स्वतंत्र लढत आहेत.न्यायालयीन लढाई सुरू राहणारनगराध्यक्षपद अनुसूचित जातीसाठी आरक्षित असले तरी प्रमुख दोन्ही पॅनलने ‘बेडा-जंगम’ समाजातील उमदेवारांनाच ही संधी दिली आहे. परंतु, ‘राष्ट्रवादी’चे बंडखोर उमेदवार विनोद बिलावर यांनी ‘महायुती’चे गंगाधर हिरेमठ व ‘राष्ट्रवादी’चे उमेदवार महेश तुरबतमठ यांच्या जातीच्या दाखल्यांना हरकत घेतली असून, हा वाद आता उच्च न्यायालयात गेला आहे. त्यामुळे निवडणूक झाली तरी न्यायालयीन लढाई सुरूच राहणार आहे.
Web Summary : Gadhinglaj witnesses a fierce battle between NCP and Mahayuti (Janta Dal, BJP, Shinde Sena), led by Mushrif and Kore respectively. The election tests their influence with both sides fielding strong candidates. A court battle over caste certificates adds another layer of complexity.
Web Summary : गडहिंग्लज में राष्ट्रवादी कांग्रेस पार्टी (एनसीपी) और महायुति (जनता दल, भाजपा, शिंदे सेना) के बीच कड़ी टक्कर है, जिसका नेतृत्व क्रमश: मुश्रीफ और कोरे कर रहे हैं। चुनाव उनके प्रभाव का परीक्षण करता है, दोनों पक्षों ने मजबूत उम्मीदवार उतारे हैं। जाति प्रमाण पत्र पर एक अदालती लड़ाई जटिलता की एक और परत जोड़ती है।