समीर देशपांडेकोल्हापूर : जिल्ह्यातील १३ नगरपालिका आणि नगरपंचायतीच्या रणधुमाळीचा धुरळा एकदा खाली बसला. परंतु, छाेट्या शहरांमधीलही सत्ता राजकीय पक्षांना किती महत्त्वाची असते या यंदा दिसून आले. चक्क मुख्यमंत्री देवेंद्र फडणवीस, उपमुख्यमंत्री एकनाथ शिंदे, मंत्री चंद्रकांत पाटील, मंत्री हसन मुश्रीफ, पालकमंत्री प्रकाश आबिटकर यांनीदेखील या निवडणुकीसाठी पायाला भिंगरी बांधल्याचे दिसून आले. ही छोटी, मोठी शहरे विधानसभा, लोकसभेसह विधानपरिषदेसाठी महत्त्वाची भूमिका बजावत असल्याने कुठलीच कसर सोडायची नाही हे ठरवून या सर्वांनी काम केले आहे.चंदगड नगरपंचायतीसाठी आमदार शिवाजी पाटील यांनी शिंदेसेनेला सोबत घेऊन भाजपचे बहुसंख्य उमेदवार असलेले पॅनेल कमळ चिन्हावर निवडणुकीत उतरवल्याने फडणवीस यांनी चंदगडला जंगी सभा घेतली आणि पाटील यांनी जोरदार शक्तिप्रदर्शन केले. उपमुख्यमंत्री एकनाथ शिंदे यांनी हातकणंगलेमध्ये रोड शो केला. परंतु, ते व्यस्त वेळापत्रकातून ‘कागल’ला येऊ शकले नाहीत. शिंदे आले असते तर काही ठिकाणी त्यांच्या सेनेला बळ मिळाले असते.महसूलमंत्री चंद्रशेखर बावनकुळे यांनीही हुपरी येथे सभा घेतली. चंद्रकांत पाटील हे जरी सांगलीचे पालकमंत्री असले तरी कोल्हापूर जिल्ह्याचे भाजपचे पालकत्व त्यांच्याकडे आहे. त्यामुळे त्यांनी गडहिंग्लजपासून अनेक ठिकाणी छोट्या, मोठ्या सभा घेतल्या. तर मंत्री मुश्रीफ यांनी संपूर्ण लक्ष कागल, गडहिंग्लज आणि मुरगूडवर केंद्रित केले होते. पालकमंत्री आबिटकर यांच्या कार्यक्षेत्रात आजरा ही एकमेव नगरपंचायत आहे. त्यामुळे त्यांनी तिथले नियोजन प्रा. अर्जुन आबिटकर यांच्यावर सोपवून त्यांनी मुरगूडमध्ये अधिक लक्ष घातले.खासदार धनंजय महाडिक यांनी मात्र या निवडणुकांसाठी पूर्ण वेळ दिला. चंदगड, आजरा, गडहिंग्लजसह, जयसिंगपूर, शिरोळ, हातकणंगले, कुरूंदवाड या ठिकाणी सभा घेतल्या. खासदार धैर्यशील माने यांना हातकणंगलेसह त्यांच्या लोकसभा मतदारसंघातील निवडणुकांसाठी काम करावे लागले. एकमेकांच्या उलट असले तरी महायुतीचे नेते सक्रिय राहिले.
काँग्रेसकडून एकमेव सतेज पाटीलकोल्हापूर जिल्ह्यात काँग्रेसच्या प्रचाराची धुरा एकमेव आमदार सतेज पाटील यांच्यावरच होती. काँग्रेसने राज्य पातळीवरील कोणी नेते प्रचारासाठी पाठवण्याची फारशी तसदी घेतली नाही. विधानपरिषद तोंडावर ठेवून गेल्यावेळी सतेज पाटील यांनी हेलिकॉप्टरने प्रवास करत जिल्ह्यात प्रचाराचा धुरळा उडवला होता. परंतु, यंदा तितकी तडफ दिसली नाही. परंतु, जिल्हाध्यक्ष या नात्याने त्यांनी त्यांची जबाबदारी पार पाडली.
शाहू छत्रपती, आसगावकर अलिप्तचखासदार शाहू छत्रपती हे नगरपालिका किंवा नगरपंचायतीच्या कुठल्या प्रचारात गेले नाहीत असे त्यांच्या संपर्क कार्यालयाकडून सांगण्यात आले. आमदार जयंत आसगावकर हेदेखील कुठे प्रचारात दिसले नाहीत. काँग्रेसचे हे दोन्ही लोकप्रतिनिधी प्रचारात कुठे दिसत नसल्याची विचारणा स्थानिक पातळीवरून होत होती.
आमदारांच्या जोडण्याडॉ. विनय कोरे यांनी मलकापूर, पन्हाळा, वडगाव आणि हातकणंगले नगपालिका, नगरपंचायतीसाठी पूर्ण वेळ दिला. आमदार राजेंद्र पाटील यांनी शिराेळ तालुक्यात भाजपसह अन्य पक्षांनाही अंगावर घेत जयसिंगपूर, शिरोळ, कुरूंदवाड नगरपालिकेसाठी राबले. आमदार अशोकराव माने यांनी पेठवडगाव, जयसिंगपूर, शिरोळच्या संघर्षात भूमिका बजावली. आमदार राहुल आवाडे हुपरीसह अन्य ठिकाणी सक्रिय होते.
Web Summary : For Kolhapur municipal elections, top leaders campaigned vigorously in smaller cities. Fadnavis, Shinde, and other ministers focused on local polls due to their importance in larger elections. Congress relied on Satej Patil; key figures remained uninvolved.
Web Summary : कोल्हापुर पालिका चुनावों के लिए, शीर्ष नेताओं ने छोटे शहरों में भी ज़ोरदार प्रचार किया। फडणवीस, शिंदे और अन्य मंत्रियों ने स्थानीय चुनावों पर ध्यान केंद्रित किया क्योंकि वे बड़े चुनावों में महत्वपूर्ण हैं। कांग्रेस सतेज पाटिल पर निर्भर थी; प्रमुख व्यक्ति शामिल नहीं थे।