स्वच्छता मोहिमेत दीड टन कचरा उठाव

कोल्हापूर : शहरामध्ये झालेल्या महास्वच्छता अभियानामध्ये दीड टन कचरा व प्लास्टिक गोळा करण्यात आले. मोहिमेचा ९५ वा रविवार असून, प्रशासक डॉ. कादंबरी बलकवडे यांच्या मार्गदर्शनाखाली मोहीम झाली. यावेळी वृक्षारोपण करण्यात आले. अनावश्यक ट्री गार्डही हटविण्यात आले.

दसरा चौक ते सीपीआर चौक परिसर, पंचगंगा नदी परिसर, शेंडापार्क ते सायबर चौक, एनसीसी ऑफिस ते गजानन महाराजनगर रोड, रंकाळा टॉवर ते तांबट कमान मेन रोड, कळंबा फिल्टर हाऊस ते शासकीय मध्यवर्ती कारागृह, शिये नाका मेन रोड, कावळा नाका ते शिरोली नाका येथे स्वच्छता केली.

स्वरा फाउंडेशनच्या वतीने रंकाळा येथील डी-मार्टशेजारी वृक्षारोपण करण्यात आले. यावेळी प्रमोद माजगावकर, फैजान देसाई, साक्षी गुंडकल्ली, सन्मेश कांबळे, आकाश कांबळे, अमित देशपांडे उपस्थित होते. वृक्षप्रेमी संस्थेमार्फत साने गुरुजी वसाहत, हरिओमनगर, टाकाळा, माळी कॉलनी, राजाराम उद्यान, रमणमळा, राजारामपुरी, जनता बाजार चौक, शाहू रोड, पंचगंगा नदी परिसर, दौलतनगर, व्हिनस कॉर्नर येथे झाडांची देखभाल, आळी करणे, तण काढणे, पाणी घालणे, प्लास्टिक कचरा उठाव, तसेच झाडांभोवतीचे अनावश्यक लोखंडी ट्री गार्ड काढले. यावेळी वृक्षप्रेमी संस्थेचे अध्यक्ष अमोल बुड्ढे, विशाल पाटील, सतीश कोरडे, प्रवीण मगदूम, आदी उपस्थित होते.

चौकट

४ जेसीबी, ५ डम्पर, ६ आरसी गाड्या, १ ट्रॅक्टर ट्रॉली, २ औषध फवारणी यंत्र, १ पाणी टँकर

फोटो : २१०२२०२१ कोल केएमसी स्वच्छता न्यूज१

ओळी : कोल्हापूर महापालिकेकडून रविवारी शहरात स्वच्छता अभियान राबवले.

फोटो : २१०२२०२१ कोल केएमसी स्वच्छता न्यूज२

ओळी : स्वच्छतेसोबत वृक्षारोपण, अनावश्यक ट्री गार्ड हटविण्याची मोहीम घेतली.

फोटो : २१०२२०२१ कोल केएमसी स्वच्छता न्यूज३

ओळी : सामाजिक संस्थांनी मोहिमेत उत्स्फूर्त सहभाग नोंदवत वृक्षांची देखभाल, तण काढण्याचे कामही केले.