जयसिंगपुरातील शिवपुतळ्याचा प्रश्न सोडवू

जयसिंगपूर : जयसिंगपूर येथील छत्रपती शिवाजी महाराज पुतळ्याच्या जागा भूसंपादन प्रक्रियेबाबत सुरू असलेल्या तांत्रिक अडचणी पूर्ण करण्यासाठी पुढाकार घेऊ. मंत्रिमंडळात विषय लावून मुख्यमंत्र्यांसह अर्थमंत्र्यांशी याबाबत सविस्तर चर्चा तोडगा काढण्यासाठी कटिबद्ध आहे, असे आश्वासन उच्च व तंत्रशिक्षणमंत्री उदय सामंत यांनी दिले. जयसिंगपूर येथील नियोजित छत्रपती शिवाजी महाराज अश्वारूढ पुतळा व ऐतिहासिक वस्तूंच्या संग्रहालयासाठी आरक्षित जागेची पाहणी शनिवारी मंत्री सामंत यांनी केली. यावेळी खासदार धैर्यशील माने व माजी आमदार उल्हास पाटील यांनी पुतळा उभारण्यासाठी येत असलेल्या तांत्रिक अडचणी सांगितल्या. यावेळी मंत्री सामंत यांनी या सर्व तांत्रिक अडचणी सोडविण्याकरिता शासनस्तरावर प्रयत्न करण्याचे आश्वासन दिले.

यावेळी श्रीकांत नलवडे, चंद्रकांत जाधव-घुणकीकर, बाळासाहेब भांदिगरे, पराग पाटील, बजरंग खामकर, सर्जेराव पवार, अशोक घोरपडे, शंकर नाळे, सुनील ताडे, योगेश सारस्वत, अभिजित भांदिगरे, तेजस कुराडे यांच्यासह नागरिक उपस्थित होते.

फोटो - २००२२०२१-जेएवाय-०५

फोटो ओळ - जयसिंगपूर येथे शिवप्रेमींच्यावतीने उच्चशिक्षणमंत्री उदय सामंत यांचे स्वागत करण्यात आले.