हुपरीत घनकचरा प्रक्रिया प्रकल्पाचा शुभारंभ

शहरवासीयांनी कचरा संकलन करणाऱ्या घंटागाडीमध्ये ओला व सुका असा वेगवेगळा कचरा द्यावा. जेणेकरून घनकचरा प्रक्रिया व्यवस्थापन अधिक सोईस्कर होईल, असे आवाहन नगराध्यक्षा जयश्री गाट व मुख्याधिकारी स्नेहलता कुंभार -मेढे यांनी या वेळी केले.

स्वच्छ महाराष्ट्र अभियानांतर्गत हुपरी नगरपरिषदेस घनकचरा व्यवस्थापन अंतर्गत बायोमाईनिंग प्रकल्प मंजूर झाला होता. नगरपरिषद हद्दीतील पंचतारांकित औद्योगिक वसाहतीमधील नगरपरिषद मालकीच्या गट नंबर 1229 मध्ये घनकचरा व्यवस्थापनासाठी असणाऱ्या डंपिंग ग्राऊंडवरती हा घनकचऱ्यावर प्रक्रिया करण्याचा हा प्रकल्प उभारला आहे. या बायोमाईनिंग प्रकल्पातील अत्याधुनिक मशिन्सद्वारे घनकचऱ्यावर प्रक्रिया करण्यात येत आहे. त्यामुळे घनकचऱ्याचे रुपांतर उपयुक्त अशा खतामध्ये होणार आहे. या प्रकल्पाचा शुभारंभ तसेच परिसरातील उद्योगांना व रहिवाशांना या प्रकल्पाचा त्रास होऊ नये यासाठी प्रकल्पाच्या सभोवती बांधण्यात यावयाच्या संरक्षक भिंतींच्या बांधकामाचा शुभारंभ या वेळी करण्यात आला. भाजप पक्ष प्रतोद रफिक मुल्ला,मनसे पक्षप्रतोद दौलतराव पाटील, नगरसेवक सुभाष कागले,गणेश वाईंगडे, नगरसेविका शीतल कांबळे,पूनम पाटील,सपना नलवडे,शशिकांत मधाळे,सचिन गाट,रवी नलवडे,राजेंद्र साळुंखे,आरोग्य अभियंता प्रसाद पाटील आदी उपस्थित होते.

३० हुपरी प्रकल्प शुभारंभ

-

फोटो ओळी - हुपरी (ता. हातकणंगले) नगरपरिषदेच्या वतीने पंचतारांकित औद्योगिक वसाहतीमध्ये उभारण्यात आलेल्या अद्ययावत बायोमाईनिंग घनकचरा प्रक्रिया प्रकल्पाचा व संरक्षक भिंत बांधकामाचा शुभारंभ नगराध्यक्षा जयश्री महावीर गाट यांच्या हस्ते करण्यात आला. या वेळी मुख्याधिकारी स्नेहलता कुंभार-ढेरे, रफीक मुल्ला, दौलतराव पाटील, गणेश वाईंगडे, सुभाष कागले, शीतल कांबळे, पूनम पाटील आदी उपस्थित होते.