कोल्हापूर , दि. २८ : व्हीनस कॉर्नर ते दाभोळकर कॉर्नरवरील स्टेशन रोडवर लावलेल्या चारचाकी वाहनाची काच फोडून अज्ञात चोरट्याने वाहनातील किंमती लॅपटॉप चोरुन नेला. ही घटना शनिवारी दूपारी घडली.
याबाबतची फिर्याद निलेश नारायण भुते (वय,४५ रा. नागाळा पार्क,कोल्हापूर) यांनी शाहूपुरी पोलिसात दिली. दरम्यान, असाच प्रकार लिशा हॉटेल परिसरात एका महिला डॉक्टरची चारचाकी वाहनाची काच फोडून बॅगेमधील पुस्तके व इतर साहित्य चोरुन नेले.
याबाबत पोलिसांनी दिलेली माहिती अशी की, निलेश भुते भारतीय आयुर्विमा महामंडळ कोल्हापूर शाखेत विकास अधिकारी म्हणून कामास आहेत. सध्या ते कोडोली (ता.पन्हाळा) येथे काम करतात.
शनिवारी ते कार्यालयीन कामकाजासाठी स्टेशन रोडवरील भारतीय आयुर्विमा महामंडळाच्या प्रधान कार्यालयात आपली चारचाकी वाहन घेऊन आले होते. त्यांनी शाहूपुरी पोलिस ठाण्यासमोरील ट्रेड सेंटरजवळील रस्त्यावर आपली चारचाकी लावली होती.
कार्यालयीन कामकाज आटोपून ते चारचाकीजवळ आल्या असता त्यांना पाठिमागील काच फोडल्याच्या निदर्शनास आले. त्यानंतर ते फिर्याद देण्यासाठी पोलिसात आले. त्यांनी....रुपये किंमतीचा लॅपटॉप चोरीस गेल्याची फिर्याद दिली. याची नोंद शाहूपुरी पोलिसात झाली आहे.
कोल्हापूरात शनिवारी स्टेशन रोडवर लावलेल्या चारचाकी वाहनाची काच फोडून अज्ञाताने लॅपटॉप चोरुन नेला