कोल्हापूर, हातकणंगलेत प्रचार शांत

कोल्हापूर : कोल्हापूर व हातकणंगले लोकसभा मतदारसंघांसाठी उद्या, मंगळवारी मतदान होत असून, रविवारी सायंकाळी सहा वाजता प्रचाराच्या तोफा थंडावल्या. अखेरच्या दिवशी गाठीभेटी, प्रचार रॅली, पदयात्रा व सभांचा मेळ घालताना उमेदवारांसह कार्यकर्त्यांची चांगलीच तारांबळ उडाल्याचे दिसले. जाहीर प्रचार थांबला असला तरी अंतर्गत जोडण्या मात्र वेगावल्या आहेत. दोन्ही मतदारसंघांत बहुरंगी लढत होत असली तरी खरा सामना राष्टÑवादी आघाडी व शिवसेनेतच होत आहे. जिल्हा प्रशासनाने मतदान यंत्रणा सज्ज ठेवली आहे.लोकसभेच्या २०१४ च्या निवडणुकीतीलराष्टÑवादी आघाडीचे धनंजय महाडिक व शिवसेना-भाजप युतीचे संजय मंडलिक या मल्लांतच या वेळेला सरळ लढत होत आहे. वंचित बहुजन आघाडीच्या डॉ. अरुणा माळी यांनीही प्रचारयंत्रणा नेटाने राबविली आहे. हातकणंगलेमध्ये आघाडीचे राजू शेट्टी व युतीचे धैर्यशील माने यांच्यात काट्याची टक्कर पाहावयास मिळत आहे. वंचित बहुजन आघाडीचे अस्लम सय्यद यांनीही हवा केली आहे.लोकसभेची निवडणूक असल्याने भाजप-शिवसेना सरकारच्या कारभारावर टीकाटिप्पणी झाली; पण उमेदवारांचा खरा प्रचार व्यक्तिगत टीकेवरच राहिला. स्थानिक निवडणुकीप्रमाणे आरोप-प्रत्यारोप झाले. कोल्हापूर मतदारसंघात ‘गोकुळ’ हाच शेवटच्या टप्प्यात प्रचाराचा केंद्रबिंदू ठरला; तर हातकणंगलेमध्ये गेल्या दहा वर्षांतील विकास आणि शेतकरी संघटनेची आंदोलने प्रचाराच्या केंद्रस्थानी राहिली.निवडणुकीचा प्रचार रविवारी सायंकाळी सहा वाजता संपला. प्रचार रॅली, पदयात्रा, गाठीभेटी, बैठका, सभांचा धडाका शेवटच्या टप्प्यात राहिला. शेवटचे आठ-दहा तास मिळणार असल्याने उमेदवारांसह कार्यकर्त्यांची प्रचार यंत्रणा राबविताना दमछाक उडाली. जाहीर प्रचार संपला असला तरी छुप्या जोडण्या वेगावल्या आहेत. शेवटच्या टप्प्यात फोडाफोडीसह इतर आमिषे दाखविली जात आहेत.--------------मतदान केंद्र व मतदार संख्या : कोल्हापूरविधानसभा मतदारसंघ केंद्रे मतदारचंदगड ३७६ ३,१९,१४३राधानगरी ४२३ ३,२६,३०८कागल ३५१ ३,२१,२८४कोल्हापूर दक्षिण ३२२ ३,२२,१८०करवीर ३५१ ३,०२,०३२कोल्हापूर उत्तर ३०९ २,८३,३९८————————————————————-एकूण २१३२ १८,७४,३४५——————————————————————————-मतदान केंद्र व मतदार संख्या : हातकणंगलेविधानसभा मतदारसंघ केंद्रे मतदारशाहूवाडी ३३२ २,८७,२९८हातकणंगले ३३० ३,१९,७१६इचलकरंजी २६७ २,९२,९८०शिरोळ ३०१ ३,१२,४९५शिराळा ३३४ २,६९,२९५इस्लामपूर २९२ २,९०,७७९———————————————————————एकूण १८५६ १७,७२,५६३——————————————————————यांची लागली प्रतिष्ठा पणास -कोल्हापूर मतदारसंघराष्ट्रवादी आघाडी : धनंजय महाडिक, महादेवराव महाडिक, हसन मुश्रीफ, पी. एन. पाटील, संध्यादेवी कुपेकर, ए. वाय. पाटील, के. पी. पाटील, बजरंग देसाई, भरमूअण्णा पाटील, अरुण नरके, आर. के. पोवार.शिवसेना युती : संजय मंडलिक, पालकमंत्री चंद्रकांत पाटील, सतेज पाटील, संजय पवार, चंद्रदीप नरके, राजेश क्षीरसागर, प्रकाश आबिटकर, विजय देवणे, संजय घाटगे, संग्राम कुपेकर, राजेश पाटील, दिनकरराव जाधव.हातकणंगले मतदारसंघस्वाभिमानी आघाडी : राजू शेट्टी, जयंत पाटील, प्रकाश आवाडे, जयवंतराव आवळे, विनय कोरे, मानसिंगराव गायकवाड, मानसिंगराव नाईक, सत्यजित देशमुख, राजेंद्र पाटील-यड्रावकर, गणपतराव पाटील.शिवसेना युती : धैर्यशील माने, कृषिराज्यमंत्री सदाभाऊ खोत, सुजित मिणचेकर, सुरेश हाळवणकर, सत्यजित पाटील, शिवाजीराव नाईक, उल्हास पाटील, माधवराव घाटगे.