कोल्हापूर/शिरोली : हातकणंगले तालुक्यातील पुलाची शिरोली येथील माळवाडी परिसरातील घरामध्ये बुधवारी सकाळी साडेसातच्या झालेल्या स्फोटात दहा जण जखमी झाले. जखमींमध्ये लहान मुलगी आणि दोन महिलांचा समावेश आहे.
श्रावणी काडगोंडा (जखमी)
याशिवाय निलेश पाटील, निलेश आढाव, मारूती सुतार हे आग विझवत असतानाच गॅसचा भडका उडाला, त्यात ते तिघेही भाजले. या आगीत एकूण दहा जण गंभीर जखमी झाले आहेत. यापैकी आठ जणांवर सीपीआर मध्ये तर दोघांवर खाजगी रूग्णालयात उपचार सुरू आहेत.
स्फोटाचा मोठा आवाज...हौसिंग सोसायटी मध्ये शांत वातावरण असल्याने सकाळी सात वाजता गॅस सिलेंडरचा स्फोट होवून मोठा आवाज झाला. आवाजाची तिव्रता इतकी मोठी होती की सुमारे दोन किलोमीटर अंतराच्या परिसरात त्याचा आवाज गेला होता.
स्फोट कशाचा संभ्रम...
घटनास्थळी गॅस सिलेंडरचा स्फोट होवून मोठा आवाज झाला. पण किचन रूम मधील गॅसची टाकी रेग्युलेटर व शेगडी आहे तशीच जाग्यावर होती. आणि रेफ्रीजरेटर पूर्ण पणे जळालेले होते. त्यामुळे रेफ्रीजरेटरचा स्फोट झाला असेच सर्वांना वाटत होते. पण अकरा वाजता शेजारील लोकांनी आत जाऊन पाहिल्यावर रेफ्रीजरेटर शेजारी असलेले सिलेंडर फुटुन त्यावर प्रापंचिक साहित्य पडल्याने सिलेंडर झाकुन गेले होते.
सिलेंडरचा स्फोट अकरा वाजता गॅस सिलेंडर मधील गॅस संपूर्ण घरभरात पसरला होता. गॅसचा वास दुसऱ्या मजल्यावर राहणारे घरमालक पाटील यांना आल्यावर ते खाली आले, तोपर्यंत खालच्या मजल्यावर आग लागली होती. सुरुवातीला आग लागली आणि नंतर थोड्याच वेळाने स्फोट झाला.
आग विझवण्यासाठी शेजारी धावलेआग विझविण्यासाठी शेजाऱ्यांनी धाव घेतली, पण तेही जखमी झाले. त्यांनी शेजारची दोन तीन बोअरवेल सुरू करून पाण्याने आग विझविण्याचा प्रयत्न केला. त्यांनी शेतातील माती आणून आग आटोक्यात आणली. पण ही आग विझवण्यासाठी गेलेले सागर पाटील, निलेश पाटील, निलेश आढाव, मारूती सुतार हे शेजारी आगीत होरपळून जखमी झाले आहेत.
पोलिस अधिकाऱ्यांची भेटघटनास्थळाला जिल्हा पोलीस प्रमुख संजय मोहिते, अतिरिक्त पोलीस प्रमुख तिरूपती काकडे, पोलीस उपाधिक्षक सुरज गुरव, सहाय्यक पोलीस निरीक्षक परशुराम कांबळे, सरपंच शशिकांत खवरे ,तंटामुक अध्यक्ष सतीश पाटील यांनी भेट दिली.
नातेवाईकांची गर्दी पुलाची शिरोलीत फ्रिज चा स्फोट झालेनंतर जखमींना तत्काळ सीपीआर रुग्णालयात दाखल केले. अचानक एकावेळी आठ ते दहा रुग्ण दाखल झालेने डॉक्टरांसह परिचारीकांची धांदल उडाली. जखमींच्या नातेवाईकांनी सीपीआर आवारात गर्दी केली होती.