मलकापुरात आमदार विनय कोरे अकॅडमीचे उद्घाटन

मलकापूर : स्पर्धा परीक्षा केद्राच्या माध्यमातून विद्यार्थ्यांनी प्रशासकीय सेवेत दाखल होऊन गावाचे नाव अजरामर करावे, असे प्रतिपादन मलकापूर नगरपालिकेचे माजी उपनगराध्यक्ष व नगरसेवक दिलीप पाटील यांनी व्यक्त केले.

मलकापूर येथील वारणा शिक्षण मंडळ संचालित श्रीमती शोभाताई कोरे वारणा महिला महाविद्यालयात आमदार विनय कोरे अकॅडमीच्या उद्घाटन समारंभात ते बोलत होते. अध्यक्षस्थानी प्रा. डॉ. वासंती रासम होत्या.

अकॅडमीचे उद्घाटन माजी उपनगराध्यक्ष दिलीप पाटील यांच्या हस्ते करण्यात आले. यावेळी उच्च माध्यमिक परीक्षेतील गुणवंत विद्यार्थिनींचा सत्कार प्रभारी प्राचार्य आर. एस. पाटील, डॉ. वासंती रासम यांच्या हस्ते करण्यात आले.

कार्यक्रमास प्रा. एस. बी. पवार, प्रा. एस. बी. कांडगावकर, प्रा. एस. व्ही. लाड, प्रा. डॉ. बी. एस. शिर्के, प्रा. एन. एस. चापडे , पी. एस. सातवेकर, भालचंद्र शेटे, दादासो बच्चे, आदींसह विद्यार्थिनी, पालक उपस्थित होते.

फोटो

मलकापुरातील श्रीमती शोभाताई कोरे महाविद्यालयात विनय कोरे अकॅडमीचे उद्घाटन करताना दिलीप पाटील , प्रा. आर. एस. पाटील, आदी.