मी माझी भूमिका पुण्यात मांडेन

कोल्हापूर : गेले पाच दिवस एकमेकांवर टोलेबाजी करणारे भाजपचे प्रदेशाध्यक्ष चंद्रकांत पाटील आणि खासदार संभाजीराजे मराठा आरक्षणाच्या मूक आंदोलनाच्या निमित्ताने बुधवारी सकाळी समोरासमोर आले.

शाहू महाराजांच्या समाधिस्थळी आल्याआल्या पाटील यांनी संभाजीराजे यांना आंदोलनाला पाठिंबा दिल्याचे पत्र दिले. यावेळी पाटील म्हणाले, मराठा आरक्षणाबाबत जी भूमिका मांडायची आहे ती मी पुण्याचा लोकप्रतिनिधी असल्याने पुण्यात मांडणार आहे. या ठिकाणी मी मराठा समाजातील एक नागरिक म्हणून आलो आहे. यानंतर संभाजीराजे म्हणाले, चंद्रकांत पाटील हे पुण्याचे लोकप्रतिनिधी असल्यामुळे त्यांना तेथील आंदोलनावेळी निमंत्रित केले जाईल. आंदोलनाला पाठिंबा देणाऱ्या प्रत्येकाचे स्वागत आहे. या दोघांच्या भेटीकडे उपस्थित सर्वांचे लक्ष लागून राहिले होते. यावेळी महेश जाधव उपस्थित होते.