असंघटित कामगारांना तत्काळ मदत करा

कोल्हापूर : राज्य शासनाने असंघटित आणि वंचित घर कामगारांना तत्काळ साडेसात हजार रूपयांची मदत करावी, अशी मागणी मार्क्सवादी कम्युनिस्ट पक्षाच्या कोल्हापूर जिल्हा समितीच्या ऑनलाईन बैठकीत शुक्रवारी करण्यात आली.

शासनाने तत्काळ बेडस, व्हेंटिलेटर, औषधे आणि ऑक्सिजन पुरवठा पुरेसा होईल यासाठी प्रशासन सक्रिय करून अंमलबजावणी करावी. कामगारांच्या काही विभागांना जाहीर केलेल्या मदतीत वाढ करावी. असंघटित क्षेत्रातील यंत्रमाग,सायझिंग, इंजिनिअरिंग, आदी विभागांना अद्याप कोणतीही मदत जाहीर केलेली नाही. ऊसतोड कामगारांना मदत करावी. मोफत धान्य वितरण व्यवस्थेमध्ये केशरी कार्ड धारकांचा समावेश करावा. या बैठकीत डॉ. सुभाष जाधव यांनी अध्यक्षीय मार्गदर्शन केले. यावेळी माकपचे राज्य सचिव मंडळाचे सदस्य उदय नारकर, जिल्हा सचिव प्राचार्य ए. बी. पाटील, सचिव सदस्य भरमा कांबळे, चंद्रकांत यादव, विकास पाटील, दत्ता माने, शंकर काटाळे, मुमताज हैदर, राजेश वरक, शिवगोंडा खोत, सदा मलाबादे, आण्णासो रड्डे, नारायण गायकवाड उपस्थित होते. या मागण्यांचे निवेदन मुख्यमंत्री, अन्न नागरी पुरवठा ग्राहक संरक्षण कक्ष आणि जिल्हाधिकारी यांना ऑनलाईन पाठविण्यात आले.

चौकट

मदत करावी

तालुका आणि स्थानिक पातळीवर समित्या करून कोरोनामुळे अडचणीत असणाऱ्यांना मदत करावी. लोकांचे प्रबोधन करावे.औषधे, बेडस, व्हेंटिलेटर, ऑक्सिजन उपलब्ध करून देण्यासाठी मदत करावी, अशी सूचना कार्यकर्त्यांना देण्यात आल्या.