विविध संस्थांतर्फे शिवाजी महाराजांना अभिवादन

कोल्हापूर शहरातील विविध पक्ष, संस्था, संघटना यांच्या वतीने शिवजयंतीनिमित्ताने छत्रपती शिवाजी महाराजांना अभिवादन करण्यात आले.

शहर राष्ट्रवादी काँग्रेसच्या वतीने शहर कार्यालयात माजी नगरसेवक उत्तम कोराणे आणि ग्रंथालय सेलचे अध्यक्ष गणपतराव बागडी यांच्या हस्ते शिवप्रतिमेचे पूजन करण्यात आले. यावेळी शहराध्यक्ष आर. के. पोवार, सरचिटणीस सुनील देसाई, आदिल फरास, संभाजी देवणे, शारदा देवणे, महेंदर चव्हाण, जहिदा मुजावर, सुहास साळोखे यांच्यासह कार्यकर्ते उपस्थित होते.

श्री अंबाबाई भक्त मंडळातर्फे शिवजयंतीनिमित्त स्नेहल चव्हाण यांच्या हस्ते रोपांचे वाटप करण्यात आले, तर अंबाबाई अन्नछत्रामध्ये रावसाहेब इंगवले यांच्या हस्ते महाप्रसाद वाटप करण्यात आला. यावेळी अध्यक्ष संजय साळोखे, उपाध्यक्ष महेश्वरी सरनोबत, कविता कोंडेकर, योगेश इंगवले, शोभा पाटील यांच्यासह कार्यकर्ते उपस्थित होते.

कोल्हापूर बौद्ध अवशेषमार्फत अध्यक्ष टी. एस. कांबळे, कार्याध्यक्ष बापूसाहेब कांबळे यांच्या हस्ते शिवाजी महाराजांच्या पुतळ्याला पुष्पहार अर्पण करण्यात आला. यावेळी सर्जेराव थोरात, विपुल वाडीकर, युवराज कांबळे, प्रवीण कांबळे यांच्यासह कार्यकर्ते उपस्थित होते. गंगावेश येथील राजर्षी शाहू जीवन विकास चॅरिटेबल ट्रस्टच्या वतीने अध्यक्ष किरण मांगुरे यांच्या अध्यक्षतेखाली युवा कार्यकर्ते ऋतुराज क्षीरसागर यांच्या हस्ते शिवप्रतिमेचे पूजन करण्यात आले. ज्येष्ठ नागरिकांचा यावेळी सत्कार करण्यात आला. कार्याध्यक्ष बंडी रावळ यांनी संस्थेच्या कार्याची माहिती दिली.