गडहिंग्लज शहरातील विकासकामांना २५ कोटी द्या

मुंबई येथे मंत्री शिंदे यांची समक्ष भेट घेऊन खासदार मंडलिक आणि गडहिंग्लजच्या नगराध्यक्षा प्रा. स्वाती कोरी यांनी हे निवेदन दिले. यावेळी राष्ट्रवादीचे जिल्हाध्यक्ष ए. वाय. पाटील, मुरगुडचे नगराध्यक्ष राजेखान जमादार, गडहिंग्लजचे नगरसेवक नरेंद्र भद्रापूर, मुख्याधिकारी नागेंद्र मुतकेकर, विनोद बिलावर उपस्थित होते. पत्रात म्हटले आहे, गडहिंग्लज शहराची लोकसंख्या ३२ हजार ६२२ इतकी आहे. परंतु, नगरपालिकेची आर्थिक परिस्थिती जेमतेम असल्यामुळे मूळ शहरासह हद्दवाढीमुळे शहरात समाविष्ट झालेल्या क्षेत्रात मूलभूत नागरी सुविधा पुरविण्यासाठी नगरपालिकेला मर्यादा पडत आहेत. त्यामुळे गडहिंग्लज पालिकेला भरीव निधी द्यावा आणि वाढीव कर्मचाऱ्यांच्या नव्या आकृतिबंधाला मंजुरी द्यावी, अशी मागणी यावेळी करण्यात आली.

प्रस्तावित कामे व मागितलेला निधी कंसात असा :

- रस्ते व गटारी बांधकाम : १ कोटी

- जुना शिवाजी चौक परिसर सुशोभीकरण : २० लाख

- वॉटर एटीएम बसविणे : ३० लाख

- पालिका कर्मचारी निवास बांधकाम : दोन कोटी ६५ लाख

- लाखेनगर नाला बांधकाम : दोन कोटी

- सांस्कृतिक केंद्र व वाचनालय : १२ कोटी

- ओल्या कचऱ्यापासून वीजनिर्मिती : एक कोटी ३५ लाख.

- रस्ते सुरक्षेसाठी : ३० लाख

- घनकचरा व्यवस्थापन : ५७ लाख

- स्वच्छ भारत अभियानातील बक्षिसाचा दुसरा हप्ता : तीन कोटी ७५ लाख

- वैशिष्ट्यपूर्ण कामाचे विशेष अनुदान : पाच कोटी

फोटो ओळी : मुंबई येथे नगरविकासमंत्री एकनाथ शिंदे यांना खासदार संजय मंडलिक व नगराध्यक्षा स्वाती कोरी यांनी पत्र दिले. यावेळी ए. वाय. पाटील, राजेखान जमादार, नरेंद्र भद्रापूर, नागेंद्र मुतकेकर, विनोद बिलावर उपस्थित होते.

क्रमांक : २२०९२०२१-गड-०७