जॉन अब्राहमचा अँक्शन पॅक्ड 'अटॅक' १ एप्रिलला
जॉन अब्राहम अभिनित 'अटॅक' हा चित्रपट १ एप्रिल, २०२२ रोजी सिनेमागृहात रिलीज होणार आहे. जॅकलीन फर्नांडिस आणि रकुल प्रीत सिंग यांच्या यात प्रमुख भूमिका आहेत. लक्ष्य राज आनंद यांनी दिग्दर्शित केलेला, अटॅकचा पहिला भाग अँक्शन पॅक्ड आहे. भविष्यातील युद्धे तंत्रज्ञान आणि कृत्रिम बुद्धिमत्ता यावर लढली जातील, यावर आधारित हा सिनेमा आहे. यातील जबरदस्त ॲक्शन सीन्स आणि कथा मनोरंजक आहे. अटॅकचा टीझर आणि ट्रेलर अद्याप प्रदर्शित झालेले नाहीत. निर्माते जयंतीलाल गडा (पेन स्टुडिओ) यांनी सांगितले की, “यात जॉन एक सुपर-सैनिक आहे. आणि अटॅकची संकल्पना खूप मनोरंजक आहे. जॉन अब्राहम, जॅकलीन फर्नांडिस सोबत रकुल प्रीत सिंग, प्रकाश राज,रत्ना पाठक शाह यांच्या भूमिका आहेत. डॉ. जयंतीलाल गाडा (पेन स्टुडिओ),जॉन अब्राहम (जेए एंटरटेनमेंट),आणि अजय कपूर प्रॉडक्शन या सिनेमाचे निर्माते आहेत.
सबाच्या व्हिडिओवर हृतिकची कमेंट
काही दिवसांपासून अभिनेता हृतिक रोशनच्या सबा आझादसोबतच्या डेटिंगच्या चर्चांना उधाण आले आहे. कधी दोघंही लंच किंवा डिनरला जाताना दिसतात तर कधी एकमेकांच्या कुटुंबीयांसोबत टाइम स्पेंड करतात. दोघंही सोशल मीडियावर एकमेकांच्या फोटो किंवा व्हिडिओवर कमेंट करतात. आताही हृतिकनं सबाच्या पोस्टवर केले कमेंटमुळे दोघं पुन्हा चर्चेत आले आहेत. सत्यजीत रे यांच्या क्लासिक ‘‘गोपी जाने बाघा बायने’चं एक बंगाली गाणं गुनगुनताना सबानं तिच्या इन्स्टाग्रामवर एक व्हिडिओ पोस्ट केला आहे. हा व्हिडिओ शेअर करताना तिने म्हटलंय की, बालपणी ती या अल्बममधील प्रत्येक गाणं शिकली होती. पण त्यावेळी तिला ही भाषा अजिबात समजत नव्हती. सबाच्या या व्हिडिओवर कमेंट करताना हृतिक रोशननं लिहिलं, ‘तू एक असामान्य व्यक्ती आहेस.’ हृतिकच्या या कमेंटला सबानं उत्तर दिलं आहे. तिने लिहिलं, ‘आणि तू सर्वात दयाळू व्यक्ती आहेस..’ या कमेंट्सनंतर या दोघांच्या लिंकअपच्या चर्चांना उधाण आहे.
वरुण सूदसोबत दिव्या अग्रवालचे ब्रेकअप
बिग बॉस ओटीटी विजेती दिव्या अग्रवाल हिने प्रियकर वरुण सूद सोबत वेगळे झाल्याची घोषणा केली आहे. वरुण आणि दिव्या एस ऑफ स्पेस या रिॲलिटी शोमध्ये सहभागी झाले तेव्हापासून एकमेकांना डेट करत होते. दोघे याशो दरम्यान ते जवळ आले आणि वरुणने तिला घरातच प्रपोज केले. त्यांच्या ब्रेकअपची घोषणा करताना, दिव्याने रविवारी, इंस्टाग्रामवर दीर्घ भावनिक ब्रेक-अप नोटसह स्वतःचे एक मोनोक्रोम चित्र पोस्ट केले. मात्र, विभक्त होण्याचे कारण सांगितले नाही. तिच्या चिठ्ठीत दिव्याने लिहिले की, "मी औपचारिकपणे घोषित करते की मी, या जीवनात एकटी आहे आणि मी माझ्या पद्धतीने जगण्यासाठी वेळ काढू इच्छिते. मी त्याच्यासोबत घालवलेले सर्व आनंदाचे क्षण मला खरोखर आवडतात आणि तो एक चांगला माणूस आहे! तो नेहमीच माझा चांगला मित्र असेल. कृपया माझ्या निर्णयाचा आदर करा. त्यांच्या ब्रेकच्या बातमीने चाहत्यांना धक्का बसला आहे. अनेकांनी त्यांची निराशा व्यक्त केली आहे.