गडहिंग्लजला साधेपणाने गणेश विसर्जन

रविवार (१९) दुपारी २ पासून शहरातील ‘श्रीं’च्या गणेश विसर्जनाला प्रारंभ झाला. मध्यरात्री तीनच्यासुमारास सर्व मंडळांनी ‘श्रीं’ना निरोप दिला.

दरवर्षी मोठ-मोठ्या ‘श्रीं’च्या मूर्ती आणि विसर्जनावेळी संपूर्ण शहर गर्दीने फुलून जायचे. मात्र, कोरोनामुळे मंडळांनी ‘श्रीं’च्या लहान मूर्तीची प्रतिष्ठापना करण्याबरोबरच साधेपणाने मिरवणुका काढून पोलीस प्रशासनालाही प्रतिसाद दिला.

मिरवणूक मार्गावर बसवेश्वर पुतळ्याजवळ काही राजकीय व सामाजिक संस्थांकडून, तर नेहरू चौकात पालिकेतर्फे गणेशोत्सव मंडळांना शाल, श्रीफळ देऊन करण्यात येणारा सत्कारही झाला नाही. मिरवणूक जास्त वेळ कशी लांबेल आणि आपल्याच मंडळाच्या मूर्तीचे शेवटी विसर्जन कसे होईल, यामध्ये होणारी चढाओढ यावेळी दिसली नाही.

शहरातील दसरा चौक, अहिल्याबाई होळकर चौक, संकेश्वर रोड, बसवेश्वर पुतळा, बाजारपेठ, नेहरू चौक, शिवाजी चौक ते नदीवेस असा मिरवणूक मार्ग होता. ठिकठिकाणी पोलीस बंदोबस्तही ठेवण्यात आला होता.

...........

शहरातील सर्वात मोठी मूर्ती आणि मिरवणुकीचे आकर्षण म्हणून नदीवेस राजा मित्रमंडळाच्या मूर्तीचे दर्शन व त्याची मिरवणूक पाहण्यासाठी गर्दी करतात. मात्र, यंदा ‘श्रीं’ची मूर्ती लहान असल्याने दरवर्षीप्रमाणे यंदा नदीवेस मित्रमंडळाच्या ‘श्रीं’चे आकर्षण गडहिंग्लजकरांना अनुभवता आले नाही.

फोटो ओळी :

गडहिंग्लज शहरातील भीमनगरातील ‘श्रीं’च्या मूर्तीची काढण्यात आलेली मिरवणूक. (किल्लेदार फोटो)

क्रमांक : २००७२०२१-१६

आकर्षक फ्रेंडस् सर्कलच्या मंडळाने सजविलेल्या कारवरून नेत ‘श्रीं’चे विसर्जन केले. (किल्लेदार फोटो)

क्रमांक : २००७२०२१-१७

साई तरुण मंडळांच्या कार्यकर्त्यांनी श्रीं’च्या मूर्तीचे विसर्जन नदीपात्रात न करता पालिकेच्या विसर्जन कुंडात करून ‘पर्यावरण संरक्षण’चा संदेश दिला. (किल्लेदार फोटो)

क्रमांक : २००७२०२१-गड-१८