कोल्हापूर : फुटबॉलप्रेमींसाठी बहुप्रतीक्षित के.एस.ए. फुटबॉल लीग हंगामासाठी नोंदणी पूर्ण झाली आहे. एकूण १६ संघ आणि ३१९ खेळाडूंची नोंदणी झाली आहे. देशभरातून ४२ खेळाडूंची असून ३३ जण नवीन असून ९ जुने आहेत. श्री छत्रपती शाहू स्टेडियमची डागडुज्जी पूर्ण झाल्यानंतर फुटबॉल हंगाम सुरु होणार आहे. नोव्हेंबरच्या अखेरपर्यंत फुटबॉलची किक ऑफ होण्याची अपेक्षा आहे.कोल्हापूर स्पोर्ट्स असोसिएशनमध्ये 'ए' डिव्हिजनसाठी नोंदणी प्रक्रिया पूर्ण झाली आहे. त्यात स्थानिक आणि परराज्यातील खेळाडूंचा समावेश आहे. एकूण १६ संघ आणि ३१९ खेळाडूंनी नोंदणी केली आहे. ४२ खेळाडू कोल्हापूर जिल्ह्याबाहेरील असून ते गोवा, केरळ, पंजाब आणि ईशान्येकडील राज्यांमधून आले आहेत.गेल्या काही महिन्यांपासून फुटबॉल चाहते कोणत्या संघात कोणता खेळाडू खेळणार, याबद्दल उत्सुक होते, ती नोंदणी पूर्ण झाली आहे. एकूण १६ संघांपैकी १५ संघांनी प्रत्येकी २० खेळाडूंची नोंदणी केली आहे. सुभाषनगर फुटबॉल क्लबने १९ खेळाडूंची नोंदणी केली आहे. त्यामुळे एकूण ३१९ खेळाडू झाले आहेत.परराज्यातील खेळाडूंचा समावेशसंघांत यंदा लीग स्पर्धा रंगणार आहे. या संघांकडून खेळणाऱ्या नवोदित स्थानिक, मणिपूर, केरळ, तमिळनाडू, सोलापूर, जम्मू-काश्मीर आदी राज्यांतील खेळाडू स्थानिक संघाना विजयी करणार आहेत. यातील अनेक खेळाडू आयएसएल लीगमध्ये विविध नामांकित संघांकडून खेळले आहेत.स्टार खेळाडूस्थानिक व बाहेरील राज्यांतील स्टार खेळाडूंच्या सहभागामुळे यंदाचा हंगाम अधिक रोमांचक ठरणार आहे. लवप्रीत, सार्थक, गुरुराज, अक्षय, सुदर्शन, पृथ्वीराज, प्रभू, मणिकंदन, स्टॅलीन, नानगमबा, ब्रह्मा, मोहम्मद, रोहन, प्रतीक, बलविंदर, फेबीन, रविराज, इतिफाक, सुबय्या, जॉन स्टार खेळाडू आहेत.
Web Summary : Kolhapur's K.S.A. Football League season is set to begin in November. Sixteen teams, including 42 players from states like Goa, Kerala, and Manipur, are registered. The league promises exciting matches with both local and out-of-state talent after stadium renovations.
Web Summary : कोल्हापुर में के.एस.ए. फुटबॉल लीग सीजन नवंबर में शुरू होने वाला है। गोवा, केरल और मणिपुर जैसे राज्यों के 42 खिलाड़ियों सहित सोलह टीमों ने पंजीकरण कराया है। स्टेडियम के नवीनीकरण के बाद लीग स्थानीय और बाहरी प्रतिभा के साथ रोमांचक मैचों का वादा करता है।