तानाजी घोरपडे ।हुपरी : हुपरी (ता. हातकणंगले) येथील गट नंबर ९२५/६ या सरकारी गायरानावर धनदांडग्या व राजकीय नेत्यांच्या शंभरहून अधिक हितसंबंधितांनी व बगलबच्च्यांनी अतिक्रमण केले आहे. याबाबत स्थानिक नगरसेवक संदीप वार्इंगडे व सपना नलवडे यांच्यासह अनेक जणांनी नगरपरिषदेकडे तक्रारी दाखल केल्या आहेत. मात्र, यामध्ये नगरपरिषदेतील कारभाऱ्यांचेच हात गुंतल्यामुळे नगरपरिषदेने या गंभीर प्रकरणाची साधी दखलही घेतली नाही. त्यामुळे शहरात आश्चर्य व्यक्त होत आहे.
शहरात नगरपरिषद होऊन एक वर्षे पूर्ण झाले आहे. स्वतंत्र इमारत व जागा नसल्याने नगरपरिषदेचे कामकाज सध्या भाड्याने घेतलेल्या केंद्रीय प्राथमिक शाळेच्या काही खोल्यांतून चालते. शहरात अनेक मोक्याच्या जागा आहेत. तेथे ग्रामपंचायतीच्या काळात बड्या राजकीय नेत्यांनी व त्यांच्या बगलबच्च्यांनी अतिक्रमणे केली आहेत. हुपरी-यळगूड मार्गालगत कोट्यवधी रुपये किमतीचे सरकारी गायरान आहे. या ठिकाणी गेल्या काही वर्षांपासून अनेक धनदांडग्यांनी व राजकारण्यांनी मोठ्या प्रमाणात अतिक्रमण करून आपल्या बगलबच्च्यांना आसरा करून दिला आहे.
हे प्रकरण गेल्या चाळीस वर्षांपासून न्यायालयीन प्रक्रियेत अडकले आहे. अशी वस्तुस्थिती असतानाही नगरपरिषदेतील काही कारभाºयांनी शहरातील काही धनदांडग्यांना हाताशी धरून उर्वरित गायरानात पुन्हा मोठ्या प्रमाणात अतिक्रमण करण्यास सुरुवात केली आहे. याबाबत नगरसेवक संदीप वार्इंगडे व सपना नलवडे यांनी नगरपरिषदेकडे यासंबंधी तक्रारी करून येथील अतिक्रमणे ताबडतोब काढण्यासाठी निवेदन दिले आहे. या प्रकरणी आंदोलन करण्याचा इशाराही दिला आहे. तरीही नगरपरिषद प्रशासनाने जाणीवपूर्वक दुर्लक्ष केल्यामुळे आतापर्यंत या ठिकाणी शंभरहूूून अधिक अतिक्रमणे झाली आहेत. या अतिक्रमणधारकांमध्ये शहरांतील धनदांडगे व राजकारण्याचा मोठ्या प्रमाणात समावेश आहे. या गायरानावरील अतिक्रमणामुळे शहरात राजकीय संघर्ष अनेकवेळा घडल्यामुळे परत पुन्हा राजकीय रणकंदन पहायला मिळण्याची चिन्हे दिसत आहेत.नगरपरिषदेचा फलक लावल्यावरही पन्नासभर अतिक्रमणे वाढलीहुपरी शहरातील गट नंबर ९२५/६ हे सरकारी गायरान अनेक वर्षांपासून असंवेदनशील विषय आहे. येथे अतिक्रमणे करू नये म्हणून मागील महिन्यात नगरपरिषदेने सूचना देणारा फलक लावला; परंतु यानंतरही अतिक्रमणांची संख्या कमी न होता उलट सुमारे पन्नासहून अधिक संख्या वाढल्याने शहरात आश्चर्य व्यक्त होत आहे.
गट नंबर ९२५/६ या सरकारी गायरानावर गेल्या आठवडयात पन्नासहून अधिक अतिक्रमणे करण्यात आली आहेत. ती तत्काळ काढण्यासाठी प्रांताधिकारी, तहसीलदार, मुख्याधिकारी यांना निवेदने देऊन आंदोलनाचा इशारा देण्यात आला आहे. जुन्या साठ ते सत्तर अतिक्रमणधारकांसाठी अतिक्रमणे नियमित करण्यासाठी प्रयत्न करणार आहे.- संदीप वार्इंगडे, सपना नलवडे,नगरसेवक, हुपरीहुपरी शहरातील गट नंबर ९२५/६ हे सरकारी गायरान अनेक वर्षांपासून वादग्रस्त आहे. सध्या या ठिकाणी पन्नासभर अतिक्रमणे करण्यात आल्याचे समजले आहे. याबाबत नगरपरिषदेचे अधिकारी माहिती घेत असून सर्वांना नोटिसा पाठवून पुढील कारवाई लवकरच करण्यात येईल.- जयश्री गाट, नगराध्यक्षा