डॉ. पद्माराणी पाटील यांनी मतदारसंघाचा कायापालट केला : बनगे

हेरले : रुकडी जिल्हा परिषद मतदारसंघात सभापती डॉ. पद्माराणी पाटील यांनी कोट्यवधी रुपयांचा निधी देऊन मतदारसंघाचा कायापालट केला, असे प्रतिपादन माजी सभापती अविनाश बनगे यांनी केले.

चोकाक (ता. हातकणंगले) येथे नवीन अंगणवाडी, आरोग्य उपकेंद्र दुरुस्ती, विद्यामंदिर दुरुस्ती, शाहू सभागृह ते महावीर पाटील डांबरीकरण, मातंग समाज ते मकानदार शेत खडीकरण व डांबरीकरण, स्मशानभूमी दुरुस्ती, गावात हायमास्ट दिवे बसविणे, जैन मंदिर संरक्षक भिंत या सर्व विकास कामांच्या उद्घाटनप्रसंगी ते बोलत होते. यावेळी अविनाश बनगे यांनी आपल्या आई-वडिलांच्या समरणार्थ हॉल बांधकामासाठी ५१ हजार रुपयांची देणगी जाहीर केली.

यावेळी, सभापती महिला व बालकल्याण समिती सभापती डॉ. पद्माराणी पाटील, सरपंच मनीषा पाटील, उपसरपंच सुवर्णा सुतार, ग्रामपंचायत सदस्य महावीर पाटील, कृष्णात पाटील, सुकुमार पाटील, मनीषा कुंभार, बाळासाहेब देशिंगे, सचिन पाटील, बाबासाहेब व्हनाळे, बापूसाहेब आवटे, नयन जाधव, विनायक कांबळे, सुरज सुतार, सचिन आलमाने, दीपक जाधव यांच्यासह ग्रामस्थ उपस्थित होते.

फोटो:- चोकाक (ता. हातकणंगले) येथे नूतन अंगणवाडी बांधकामाचा शुभारंभ करताना माजी सभापती अविनाश बनगे. यावेळी जिल्हा परिषदेच्या महिला व बालकल्याण समिती सभापती डॉ. पद्माराणी पाटील, सरपंच मनीषा पाटील, उपसरपंच सुवर्णा सुतार व अन्य मान्यवर उपस्थित होते.