कोरोनाबाधित रुग्णांच्या ३५० कुटुंबांना जीवनावश्यक वस्तूंचे वाटप

कोल्हापूर : आमदार ऋतुराज पाटील यांच्या वाढदिवसानिमित्त उचगाव ग्रामपंचायत सदस्य कीर्ती मसुटे यांच्यावतीने कोरोनाबाधित रुग्णांच्या ३५० कुटुंबांना जीवनावश्यक वस्तूंचे किट वाटप रविवारी करण्यात आले. आमदार पाटील यांच्या प्रमुख उपस्थितीत उचगाव येथील मंगेश्वर मंदिरासमोर हा कार्यक्रम झाला.

सध्या कोरोना संकट अजूनही आपल्यासमोर आहे. त्यामुळे वाढदिवसाला गरजूंना मदत करा, असे आवाहन मी केले आहे. कार्यकर्त्यांनी, हितचिंतकांनी आपल्या भागातील गरजूंना लागणाऱ्या आवश्यक वस्तू दिल्यास या कठीण काळात नक्कीच त्यांना आधार मिळेल. कोरोना काळात सर्वांनी मिळून काम करूया. पालकमंत्री सतेज पाटील यांच्या सारखाच तुमच्या घरचा आमदार म्हणून मला हक्काने कामे सांगा. मी कुठेही कमी पडणार नाही, असे प्रतिपादन आमदार पाटील यांनी केले. दत्ता यादव, सचिन चौगले, दिनकर पोवार यांनी मनोगत व्यक्त केले. यावेळी सरपंच मालुताई काळे, उपसरपंच मधुकर चव्हाण, माजी सरपंच गणेश काळे, पैलवान मधुकर चव्हाण, तलाठी महेश सूर्यवंशी, पंचायत समिती सदस्य सुनील पोवार, रवी काळे, राजू काळे, सुरेश चव्हाण, मदन चव्हाण, दीपक रेडेकर यांच्यासह सर्व ग्रामपंचायत सदस्य, कार्यकर्ते उपस्थित होते.

फोटो (३००५२०२१-कोल-उचगाव धान्य वाटप) : आमदार ऋतुराज पाटील यांच्या वाढदिवसानिमित्त उचगाव ग्रामपंचायत सदस्य कीर्ती मसुटे यांच्यावतीने कोरोनाबाधित रुग्णांच्या ३५० कुटुंबांना जीवनावश्यक वस्तूंचे किट वाटप रविवारी करण्यात आले. मंगेश्वर मंदिरासमोरील या कार्यक्रमास आमदार पाटील यांच्यासह कार्यकर्ते उपस्थित होते.