कोल्हापूर : महापालिका निवडणुकीसाठी महाविकास आघाडी म्हणून निवडणूक लढवण्यासाठी चर्चेच्या फेऱ्या अद्यापही सुरूच असून शुक्रवारी काँग्रेस, उद्धवसेना व राष्ट्रवादी शरदचंद्र पवार गटाच्या प्रमुख पदाधिकाऱ्यांची बैठक झाली. या बैठकीत कुणाला किती जागा यापेक्षा प्रभागनिहाय जिंकणाऱ्या जागांवरच चर्चा करण्यात आली. जागा कोणत्या पक्षाला द्यायची यापेक्षा त्या जागेवर कोणता उमेदवार विजयी होऊ शकतो हाच निकष या बैठकीत ठरवण्यात आला आहे. त्यानुसार जागांचे वाटप केले जाणार आहे.कोल्हापूर महापालिकेत महाविकास आघाडी म्हणून एकत्रित निवडणूक लढवण्यासाठी काँग्रेस, उद्धवसेना, राष्ट्रवादी शरदचंद्र पवार गट, शेकापसह डाव्या पक्षांनी आधीच एकीची हाक दिली आहे. उद्धवसेना व राष्ट्रवादीने त्यांच्या जागांची अपेक्षा काँग्रेसला कळवली आहे. त्यानुसार शुक्रवारी या तिन्ही प्रमुख पक्षांच्या पदाधिकाऱ्यांची बैठक झाली. यात उद्धवसेना व राष्ट्रवादीने मागितलेल्या किती जागांवर गुलाल लागू शकतो यावर प्रामुख्याने चर्चा झाली. ज्या जागा शंभर टक्के जिंकता येतील अशा जागांवर चर्चा होऊन सकारात्मक तोडगा काढण्यात आला आहे.डाव्या पक्षांशी संवादमहाविकास आघाडीत शेकापसह डावे पक्ष व आपचाही समावेश आहे. महापालिका निवडणुकीत त्यांना किती जागा हव्या आहेत यावर आज शनिवारी चर्चा करण्यात येणार आहे. या चर्चेनंतर महाविकास आघाडीचा अंतिम फाॅर्म्युला ठरवला जाणार आहे.
Web Summary : Maha Vikas Aghadi prioritizes winnable Kolhapur Municipal Corporation seats over party allocation. Discussions focus on candidate viability. Alliance includes left parties; final formula pending.
Web Summary : महा विकास अघाड़ी ने पार्टी आवंटन पर जीतने योग्य कोल्हापुर नगर निगम सीटों को प्राथमिकता दी। चर्चा उम्मीदवार की व्यवहार्यता पर केंद्रित है। गठबंधन में वाम दल शामिल हैं; अंतिम फार्मूला लंबित।