गडहिंग्लजला कोविड केअर सेंटर सुरू

गडहिंग्लज :

गडहिंग्लज शहरानजीक शेंद्री रोडवरील नाईकवाडे वसाहतीत ४० बेडचे कोविड काळजी केंद्र सुरू झाले. त्याचे उद्घाटन 'आरपीआय'चे जिल्हाध्यक्ष उत्तम कांबळे यांच्याहस्ते झाले.

याठिकाणी २० ऑक्सिजन बेड व २० नॉन ऑक्सिजन बेडची सोय करण्यात आली आहे. अनुभवी डॉक्टर्स आणि प्रशिक्षित नर्सिंग स्टाफद्वारे कोरोना रुग्णांवर उपचार करण्यात येणार आहेत.

या वेळी प्रा. शरद कांबळे, गडहिंग्लज तालुकाध्यक्ष दिलीप कांबळे, शिरोळ तालुकाध्यक्ष जयपाल कांबळे, कागल तालुकाध्यक्ष कार्याध्यक्ष बी. आर. कांबळे, मल्लाप्पा कांबळे, शामराव कांबळे, अजय कांबळे, सूरज नाईक, रवी कांबळे, अमित नागटिळे, बाबूराव कांबळे आदी उपस्थित होते. संचालक आकाश कांबळे यांनी आभार मानले.

--------------------------

फोटो ओळी : गडहिंग्लज येथील रोहूना कोविड काळजी केंद्राचे उद्घाटन 'आरपीआय'चे जिल्हाध्यक्ष उत्तम कांबळे यांच्याहस्ते झाले. यावेळी शरद कांबळे, दिलीप कांबळे, शामराव कांबळे, आकाश कांबळे, सूरज नाईक आदी उपस्थित होते.

क्रमांक : ३००५२०२१-गड-१३