जिल्हाधिकाऱ्यांनी घेतली "शरद"च्या व्हॅक्सिन स्टोअरेजची माहिती

शरद इन्स्टिट्यूटमधील मेकॅनिकलचे विद्यार्थी संकेत बापट, रोहित दायमा, अभिषेक भगाटे, श्रद्धा महाडिक व मार्गदर्शक प्रा. अवेसअहमद हुसेनी यांनी जिल्हाधिकारी यांच्यासमोर संशोधन व व्हॅक्सिन स्टोअरेज सिस्टीमचे सादरीकरण केले. जिल्हाधिकारी यांनी तापमान कसे नियंत्रित होते, वीज नसतानाही किती वेळ व कसे तापमान नियंत्रित राहते, सिस्टीमचे काम कसे चालते याची माहिती घेऊन त्यांनी या उपकरणाची किंमत व आकार कमी करण्याच्या सूचना दिल्या आहेत.

या संशोधनाबाबत विद्यार्थ्यांचे कौतुक जिल्हाधिकारी देसाई यांनी केले. ही सिस्टीम प्रत्यक्ष वापरण्यासाठी शरद इन्स्टिट्यूटने दोन सिस्टीम जिल्हाधिकारी कार्यालयाला भेट स्वरूपात दिल्या आहेत.

कोरोनाच्या पार्श्वभूमीवर शरद इन्स्टिट्यूटच्या विद्यार्थ्यांनी बनविलेली ही स्टोअरेज सिस्टीम कोरोना काळात ग्रामीण भागात व वाहतुकीच्यावेळी अत्यंत उपयुक्त आहे. जिल्हाधिकारी देसाई यांनी सांगितलेल्या सूचनांप्रमाणे सिस्टीममध्ये बदल करून सुधारित सिस्टीम तयार करून व शासनाच्या मागणीप्रमाणे उत्पादन करण्याची तयारी विद्यार्थ्यांनी दर्शविली आहे. यावेळी संस्थेचे एक्झिक्युटिव्ह डायरेक्टर अनिल बागणे उपस्थित होते.

फोटो ओळ- कोल्हापूर : येथे जिल्हाधिकारी दौलत देसाई यांना 'व्हॅक्सिन स्टोअरेज सिस्टीम'ची माहिती देताना विद्यार्थ्यांसोबत एक्झिक्युटिव्ह डायरेक्टर अनिल बागणे, प्रा. अवेसअहमद हुसेनी, प्रा. प्रवीण यादव उपस्थित होते.